Рет қаралды 11,522
Şahmar Ələkbərovun anadan olmasından 78 il ötür
O təkcə rollarında deyil, həyatda da ölümün üzünə dik baxmışdı. 7 il əziyyət çəkdiyi xəstəliyə görə həyat yoldaşının göz yaşlarına dözməyib özü də həyatla 49 yaşında vidalaşmışdı. Şahmar Ələkbərov bu mənada bir nümunə idi. Onun Azərbaycan kinematoqrafiyasında yeri özünəməxsusdur. Əvəzolunmaz aktyorun doğumundan 78 il ötür. Gəncədə dünyaya göz açsa da aktyorluq təhsili, yaradıcılığı, demək olar həyatı Bakı ilə bağlıdır. Rza Təhmasib, Adil İsgəndərov kimi sənətkarlardan dərs alıb. Öyrəndiklərini də təkmilləşdirərək ekranda canlandırıb. Teatr səhnəsindən sonra ilk çəkildiyi Dağlarda döyüş filmi olur. Gənc aktyorun uğurlu ifası onun sənət yoluna işıq salır…
Bundan sonra ardıcıl bir neçə filmdə bənzərsiz ifaası onu tamaşaçıya daha da sevdirir. Şahmar Ələkbərovun bəzən çox zəhmli siması obrazın xarakterini incə detallarla çatdırır, bəzən isə mülayim gülüşü ilə bir başqa cür xatirələrə həkk olunub.
Şahmar Ələkbərov qısa ömründə “Yeddi oğul istərəm", "Axırıncı aşırım", "Arxadan vurulan zərbə”, Dağalarda döyüş”, Babək, Qatır Məmməd kimi fimlərdə müxtəlif xarakterli obrazları canlandlrlb. Ağız boşluğunda yaranan problemlərdən dolayı filmlərə çəkilən bilməyən aktyor özünü rejissor kimi Qəzəlxan filmində sınayır. Sənətkarın sonuncu Yük filmi ölümündən sonra nümayiş olunub. "Canlı Trio" ləqəbini dostları dublyaj fəaliyyətindəki müstəsna istedadına görə vermişdilər. Tamamilə müxtəlif obrazları məharətlə səsləndirə bilirdi. Təəssüf ki Azərbaycan tamaşaçısı onun səsini və özünü ekranda çox az görə bildi.
Elgiz Nəbili, İTV XƏBƏR