Рет қаралды 199,904
陳家樂與連詩雅(Shiga)今日(24日)結婚,他們的婚宴分中午及晚上兩場,中午的主要邀請圈中好友及同事為主。Shiga換上另一襲婚紗上陣,除了是大deep V外,更能突顯新娘的美腿,設計較早上的婚紗更佳。二人進場行一圈向來賓揮手,其後上台祝酒並致辭多謝大家到場,家樂在台上亦藉機多謝老闆楊受成及Mani霍汶希的栽培,而最意想不到是竟然大爆自己最愛「蠢女人」。
家樂在台上哽咽憶起初入行的片段,他說︰「入行近廿年,16歲參加新秀,好記得當時Mani問咗我一句說話,到而家都好記得,佢問我︰『你憑咩我要簽你!』當時我都問咗自己好耐,有啲乜嘢能力加入英皇,我同Mani講,我一定會努力,付出我所有努力,去得到你認同。開頭覺得自己乜都唔得,覺得自己係垃圾,但老闆(楊受成)俾咗好多機會我,好多謝你。」在旁的連詩雅不停掃背安慰。
接著他向家人及連詩雅的媽媽致謝,他搞笑說︰「我要多謝我屋企人,同Shiga媽媽,你湊大佢,令佢有一個好嘅個性,好天真,好蠢,我就係鍾意佢咁蠢。」令全場爆笑。被指是蠢女人的Shiga更直認不諱,「其實我真係幾蠢,哈哈!多謝佢咁包容我,亦多謝老爺奶奶,教咗咁好嘅仔,佢真係好單純,善良又搞笑,同佢一齊真係好開心,同埋佢對我真係好好。媽媽母兼父職,一個人湊大我好唔容易。媽咪,你而家唔使擔心,我有人錫。」
事前表示不會有任何驚喜的家樂,原來早有準備,在宴會上唱出老婆的歌曲《只要和你在一起》。雖然家樂頻頻走音甩beat,但勝在勇氣可加,在下的連詩雅就聽到非常開心又入迷。之後家樂表示︰「尷尬死我!要我喺咁多人面前唱歌。」司儀阿Bob先表示很感動,其後向家樂表示︰「我諗你以後都係拍返戲,唔好唱歌喇好唔好呀?」
►訂閱我們: bit.ly/2qoVYEN
►Website : www.am730.com.hk/
►FB: / am730hk
►IG: / am730hk
►這部影片中的音樂
bmgproductionmusic