陳欣健大女Joanne陳易遙近年做幕後工作，又係佘詩曼經理人，日前佢舉行50歲生日派對，獲唔少圈中好友到賀， 好似譚詠麟、蔡卓妍、俞琤、關智斌、李嘉欣、許晉亨、樂易玲、霍汶希、梁靖琪、文頌嫻、王敏奕、劉浩龍、余安安、陳淑芬、衛志豪、邱子傑同邱李茂琪等眾星雲集，場面不知幾熱鬧呀！
阿佘更開心滿場飛，陪經理人切蛋糕，網上影片見Joanne唱歌，阿佘亦興奮喺台下幫經理人拍片，Joanne原來同妹妹陳早怡一樣，都係唱得之人，雖然佢冇同妹妹一齊參加《中年好聲音》，但呢晚見佢盡顯音樂才華，更咪霸上身。
校長譚詠麟與Joanne對唱《朋友》、《愛情陷阱》同《一生中最愛》，佢亦都有同劉浩龍合唱《友情歲月》，阿佘同Joanne無論工作上或私底下都咁合拍，又係並肩戰友又係好友，呢晚除咗盛裝赴會之外，阿佘high爆唱《愛情陷阱》大開金口，同壽星女合唱，雖然阿佘一向被指係雞仔聲，但呢晚見佢唱功大躍進，仲好有氣場。而李嘉欣同阿Sa等亦有上台獻唱多首金曲，Joanne嘅爸爸陳欣健，亦有為愛女高歌一曲，生日派對猶如小型演唱會咁high！
#陳易遙 #陳欣健大女 #Joanne #佘詩曼 #經理人 #50歲生日派對 #譚詠麟 #蔡卓妍 #俞琤 #關智斌 #李嘉欣 #許晉亨 #樂易玲 #霍汶希 #梁靖琪 #文頌嫻 #王敏奕 #劉浩龍 #余安安 #陳淑芬 #邱子傑 #邱李茂琪
#TVB #娛樂新聞 #TVB娛樂新聞台
#ENews #HKENews #香港娛樂八卦新聞 #八卦新聞
即刻Follow TVB 娛樂新聞台 Facebook專頁
/ tvbenews
登入myTV SUPER享受睇TVB自製節目7日包括娛樂新聞的免費點播
bit.ly/2TXLlM0