【超長千字小氣鬼post】 我份人真係好小氣。 琴日post條片同大家分享我既側鏡設定，點樣可以減少盲點，有效睇多D車身外面既情況，減少意外發生。 跟住有好D觀衆話「你咁樣set仲危險」，「你點泊車睇位？」，「唔識咪亂教人」 見到呢D留言，我就諗，難道我咁樣set真係錯？ 跟住我就將我小氣鬼既能量發揮到極點，上網瘋狂做research（再加上有其他觀衆既提點） 哈！ 首先講到明，我唔係話大家錯，只係有更好既設定。 【---- 維基百科上面有關汽車盲點 ----】 利用特定的側鏡設定，可以令車旁的盲點消失。這設定能夠大幅減少側面碰撞或其他意外的發生，特別是汽車轉線時。 這方法首次由George Platzer於1995年，於Society of Automotive Engineers（美國汽車工程師協會）發表。 這側鏡設定方法，【往往會在駕駛教學中被忽視】！和需要一點時間去適應.... 有人提出這設定會製造更多盲點，例如倒後鏡看不到的車後。在倒車時會不能看到... （J：你個人可以郁架嘛... 郁一郁你咪可以係側鏡睇到你想見到既車尾燈位。不過車後盲點你都唔會只靠望側鏡。倒後鏡，側鏡，泊車鏡頭，感應器...etc.全部一齊用曬，有時都係會望唔到） 好喇！咁到底呢個Society of Automotive Engineers係咩呢？中文就係美國汽車工程師協會，而家已經係國際性既協會。 【---- SAE有關汽車盲點的論文 ----】 上面寫到既1995年論文，題目係《The Geometry of Automotive Rearview Mirrors - Why Blind Zones Exist and Strategies to Overcome Them》 （汽車後視鏡的幾何 - 為何盲區會存在 及 如何克服盲區的策略） 内文因爲要俾30幾蚊美金去買先睇到，雖然我好小氣，但未至於要用200幾蚊去證明自己... 所以我地睇睇2010年，《Car and Driver》雜誌，根據呢篇論文既内容點樣講。 【---- Car and Driver雜誌有關盲點 ----】 2010年3月既《Car and Driver》提到，上面論文建議側鏡設定，應該往外推到可視角度，剛好跟車内倒後鏡重叠。 （J：即係好似附圖fig.1同fig.4既設定） 這設定可能會令習慣在側鏡看到自己車身駕駛者感到困惑。 【但如果位置設定正確，側鏡能有效消除汽車盲點】。 這能消除你需要去回頭望才能安全轉線的需要。 （J：最後呢一句我唔100%同意，我認爲點都要望一望） 其實除左上面，美國University of Kansas Transportation Center，都有發表過文章。 【---- 堪薩斯大學交通中心有關盲點 ---】 根據美國堪薩斯大學交通中心既文章《Blind Zone Accidents and How to Prevent Them》（盲點意外 及 如果預防）文章内文指出，每年係美國有63萬宗交通意外涉及轉線，當中6成意外原因是「沒看到旁邊的車」。 要減少盲點，駕駛者可以採取BGE設定（Blindzone/Glare Elimination Setting）。 （即係上面所講既所有設定，包括我琴日影片裏面所講） 這設定能大幅減少盲點。【當有車輛在你後方出現，你能在車内倒後鏡確認。當車輛離開你車内倒後鏡時，你能從側鏡確認，對方超越你並離開側鏡時，你能從可視角度望到該車輛...】 【---- 總結 ----】 我並唔係話大家錯，只係好似上面所講，呢個側鏡設定方法往往係駕駛教學上被忽視。 側鏡要望到自己車身，好多人既理由係「泊車睇位」，「行窄路睇位」，大部分既潛臺詞係「我唔想hi花部車」 其實呢個問題好容易解決，就係你郁少少個頭去側鏡，你咪可以見返自己車身囉。你個人唔係石頭黎架嘛。 上面提出既設定，完全係為「行車安全」作爲最優先考慮。 無論對途人，其他駕駛者，或者你自己，都係更安全既做法。 唯一問題就係你需要時間去適應，因爲你可能過去20年，30年都係習慣正常駕駛坐姿要側鏡1/3，1/4望到自己部車。 不過都係果句，你無錯，但你都唔好走黎話我錯。 〇Source〇 ▼維基百科▼ en.wikipedia.org/wiki/Vehicle_blind_spot…. ▼國際汽車工程師協會▼ en.wikipedia.org/wiki/SAE_International ▼論文《The Geometry of Automotive Rearview Mirrors - Why Blind Zones Exist and Strategies to Overcome Them 950601》▼ www.sae.org/publications/technical-papers/content/…/ ▼《Car and Driver》2010年3月號▼ www.caranddriver.com/…/how-to-adjust-your-mirrors-…/ ▼《Blind Zone Accidents and How to Prevent Them》▼ www2.ku.edu/~kutc/pdffiles/KTRFS08-Blindspot.pdf

側鏡一定要睇到小小車身，用嚟判斷自車同其他物體嘅距離

側鏡調節可能好個人化 但係我咁多年 都唔會咁較側鏡 我都係要見到自己車身小小先安樂

我渣七人車 側鏡望到少少車身會安全D 你不如建議人裝多塊鏡仔睇盲點好過

我爸爸八幾年渣巴士之後渣小巴到而嫁，我岩岩有車牌時佢都係教我渣車時側鏡要調到岩岩過車身，好記得佢講睇得越多越安全，有時唔係你痴線係人地痴線，你見到佢先有機會避，有D技術係學術有D技術係經驗，聽下都無壞。

好似少少教壞人，調教側鏡點都睇到自己少少車尾，轉彎丶cut線先見有距離感，倒車泊車更加需要

如果買iroad x10 ，可以另外買條power cable，直接插OBD port可又電，一樣可以做到泊車錄影，唔使去fuse box攞電

倒後鏡一定要望到少少車尾，方便泊車。就算倒後鏡望到後面，轉線前都要轉頭望下，因為有機會有車會喺側邊，倒後鏡都望唔到。

側鏡係要望到少少車身

一定要留返少少車身，方便睇位同泊車，呢個係基本常識

如果你未搞掂個長火 可以建議下你 用multimeter 測fuse電壓去睇邊一粒fuse唔插匙都會有電到 咁果粒就係你要駁去長火嘅fuse fuse上面寫住10 20左右有2粒小銀點 用multimeter正極點落銀點 負極點落車身chassis 金屬位就得

而家好似有倒後鏡係用電子方式可以睇埋左右邊.. 咁會方便啲.. 仲可以裝埋4邊鏡頭若果你唔怕麻煩的話

架車四邊周圍，有冇裝類似感應器，會安全d

Will you do a review on car dashcam which one is good?

望到少少車身既原因：1. 泊車後車時睇車位地線；2.行窄路是睇下車身夠唔夠過

大J 有冇興趣做埋車cam嘅review？ 本身想裝車cam 想知牌子同埋好唔好用

請問你朋友俾你嗰紅色線，個線頭係幾多A㗎，因為我都唔想卷啲線去啲Fuse度

教鏡係要睇到少少車身先合理 自己車身都睇唔到 行窄路果陣點知同死物有幾近？

呢部車塊鏡好似有D細同埋個形狀唔啱..有冇得換

其實例如塞紅隧入口唔好睇車身試下就知 要知道香港渣車唔係個個真係會停哂部車讓你 好多時靠你技術同經驗 有人好心停低讓你就當然入到 有心唔讓鬥頂要靠技術 至於話個人郁下就睇到車身 與其郁黎郁去 點解唔直接較鏡望到車身呢? 睇盲點最安全就點都要擰頭郁架啦

側鏡個問題我唔多講啦 好多師兄都有提點, 我想講係不妨考慮裝返個電子倒後鏡 (PAPAGO gosafe 980果種) 我自己都用緊 真心唔錯,不妨研究下. 另外如果我買一定唔會買IROAD....

加多個淘仔波波鏡望到闊就安全晒啦 後面車窗細就裝電子後鏡

二邊鏡上邊再裝粒圓鏡仔，可以睇二個視野線d

I'm glad my husband is a mechanic. I can never install a car camera. :P For blind spots, there is a little spot mirror you can buy and stick it onto your side mirror. This helped me with the blind spots while driving.

呢隻cam記得set個斷電mode，即係當電壓低於X就自動off左個車cam，如果唔係好易扯乾電。同埋建議插個電壓錶係點煙位，開車前望個Volt數可以做reference。咁對有返d年齡嘅車會安全D。

看到小小車身is to help spatial awareness. Brain need to calculate distance between your car to a object quickly. 車神with good spatial awareness would be ok with this setup. Most of us mortals need to see a little bit of car to help calculate.

啱一半 整返好個倒後鏡視覺啱嘅 但係唔會set到望唔到車身 冇錯你講得啱「架車係唔會走」 但係因為你每次揸車嘅坐法有一定偏差 位置會有不同 會以為側鏡邊邊位就係車身 但有人企咗係C栓（車尾左／右）你就唔知 所以要set 到見到少少車尾先好

裝個凸鏡己經解決問題，好似貨車甘，車身係密封，都冇得拎轉過身望，都係甘揸，唔使特登較鏡

一個小小建議，如果兩邊側鏡加貼凸鏡，那便可以消除兩邊所有盲點，慢慢習慣便可。師兄的車款，其實與七人車或van仔冇太大分別，基本上(轉身)都睇唔到後面，所以要習慣利用兩邊側鏡和凸鏡。無論如何，都祝師兄駕駛平安。

睇到少少車身可以幫雙眼好判斷一d,心理上都安落d 減少盲點"痴"個fisheye仔幫輕雙眼就ok, 以前都係咁做(後來畀d多手怪搣走咗隻fisheye)

留少少車身係比自己睇有冇太貼線，當然你空間感好就冇問題，但係比新手你個setting 上highway or tunnel 會好危險，一來有機會hi 線行二來有機會hi石墩，當然你個setting 係啲確少盲點。

盲点👀现今科技有盲点感应器,加装置又唔贵大J你比起,好心比D银师傅装置两下就可以直接用👌✌

一直諗緊你會點整😀😀

其實試吓烏前少少個人已經可以睇曬

啱啱先考到個 2號牌 望唔到個車身有啲淆底........

你紙版個盲點位根本就要回頭望，唔係set側鏡黎彌補 側鏡點都要睇到少少車身，唔係好難睇車與側邊之間距離 如果你咁耐咁樣都未撞係你好彩

個cam係你着車會話start recording，熄就會話parking mode，所以一條要長火，例如防盜，另一條就駁acc，搵下邊個位係着咗車先有電，咁就可以俾singal佢知幾時係着咗車

For the rear cam wire supposed to go inside the factory wiring loom so it is invisible.

識貨喎大J,你都有用頭燈做野,咁樣就唔會要用一隻手楂燈

盲點最少的鏡位應該是二十幾年前的 大皇冠 後鏡，因鏡在前沙板上面，角度最廣！朋友的大SUV也在那個位子安裝了左右共兩隻攝像頭，使用時跟本不須要再移頭睇位。

倒後鏡 有小狐鏡 長方圓形都可有幫助🤣🤣🤣 至於點解倒後鏡 個設定要睇到自己車身 原因係要泊車 避免轉彎時 沙板刮柱( 郊外 停車場 都有一啲好細嘅柱或者障礙物) 一路順風✌🤣👍

我岩岩揸車時都同你一樣因為盲區咁樣set,但之後發現咁樣睇唔到自己車身好易睇錯自己線同隔離線,仲危險,or 入隧道大家慢慢塞緊入2條線你睇唔到同後車距離好危險嫁, 最少都要留少少自己車身,唔可以完全睇唔到,我最後解決盲區方法係自己向前移一下望拎大d 個反射角度已經好足夠

右鏡睇車身太多了,我調校鏡係只會睇到右車身一條線左右了.

渣車需要一瞬間嘅判斷，如果有事起上嚟，你仲要用個身或者用個頭去就返塊鏡去望到自己架車再判斷同隔離仲有幾多位俾你，已經慢咗好多秒

側鏡點都要望到少少車身 如果唔係 過窄位 拗腰 會睇唔到 掃車身 尤其係你咁大架車

Set 鏡係個人習慣姐，冇對錯 不過如果過窄位下下陏身陏勢先睇到車身有冇high野都咪話唔攰

其實你只要正常cut線, 唔好一野連cut兩條線, 望到少少車身既角度係唔會有盲點

我嘅經驗係, 咁樣set 嗰鏡係泊車入位時會無乜安全感, 因為你睇唔到你架車同其他車嘅距離。由其去泊啲好窄嘅車位就會好明顯。大家可以去試試體驗下。

見仁見智啦呢啲嘢～盲點有唔同嘅，方便到自己咪得囉～～啲觀眾好似講到架車係自己咁🤣🤣

助手是自己，笑咗🤣🤣 6:48 對，自己落手落腳先開心

若你個車cam可以用USB取電(5v 1A/2A果啲)，可以去x寶搵一個｢OBD取電器｣，咁你就可以做到匙火/長火取電，你可以選擇車cam做熄匙熄cam或長時間監控…

有時真係唔好教壞人

😂😂😂咁set 鏡點泊車?

同意點都應該要留返少少車身見到 , 不過衣D駕駛習慣 , 可能可以改既 , 只係大部分人會安全D

如果要整parking mode你要買一個識得check電壓慨計時器，唔係第二日電池乾左

裝一個360全景會唔會好D呢？

點較鏡都會有盲點 問題係應該要常駐睇到車身 唔應該侑個人先睇到車身 Cut線先會侑個人望盲點加隔離線 有D鏡係衰D 孤度少唔夠廣角 我自己會加塊細魚眼鏡係車籠右A柱輔助

睇咗兩集，覺得呢架車缺點多過優點🤣不過唔換都換咗，加上Mai san鍾意，冇計🤣

阿軒好勁!

👍👍👍👍加油努力

自己較鏡通常會望到車身，比例通常1/10，成塊鏡先望到小小車身，泊車難泊？個睇郁多啲咪望到多啲車身囉，大j你個較法冇問題，只係變左好多時個頭郁既動作大左，但望盲點一樣動作大。 我新牌仔個時好會較到塊鏡望車身，揸幾年車後塊鏡唔想望車身，因為要左穿又插望唔清好危險

like 完先睇

大J, 本身依FJ比較薯仔，一定要改改佢，加釘四個轆上面個wide body, 換四個條軨，加燈，加個前金屬防撞!

如果你車cam駁長火要留意，因為你熄左匙都會用你車电磁既電，如果你有機會長期吾用車，要留意舊电會吾會比支cam煲干！我有車友試過10日無用車就煲干。其實買cam時，如果選擇有內置电池既，會好啲！

有點教壞人，側鏡仲係要睇到少少車身，1停車及窄路行車兩邊有距離感 2方便貼住行車線走 3 street parking會睇唔到路沿很難泊車

Hins上次投訴助手嚇親佢呀😂

想睇你揸呢架車泊長沙灣美居停車場🤣

啲線走下路會長咗！另外去尾門走防水喉會無咁易夾到，唔外露亦耐用少少！

我揸大七人車 側鏡我會攪到望到車身 一至兩隻手指位咁多 同埋鏡底會望埋尾呔位置 防止撞到矮少物件 我見好多人攪到塊鏡望天多過望地 同埋望大半車身 我會話：望咁高 你怕後面有飛機撞你咩 攪返底啲望左右兩邊車啦

首先我冇上網check過所以唔知你嘅定律理論啱唔啱？但係我作為一個每日駕駛者其實倒後鏡嘅設定！每個駕駛者都有自己獨特嘅設計,本人認為倒後鏡應該要見到自己小小嘅車身，原因係你要知道隔離物件（人，車）同你架車嘅距離，特別當你響高速行駛緊嘅時候😀當你知道自己架車嘅位置嘅時候，就會有預計駕駛時候嘅態度🤗⋯⋯另外每架車都會有特定盲點，首先你會熟悉你自己架車嘅盲點響邊度，所以多數都會有需要時轉多啲個頭或者個身去睇多啲🙏🏻 以上只係自己嘅見解🙏🏻

車大鏡細

在美國考車牌，係Cut Link 時必須要側頭看，不能淨係看倒後鏡，否則不可能考到車牌。我抓車抓左23年，到依家Cut Link都一定會側頭睇後方，有幾次側頭發現有車在盲點，幸好自己有側頭既習慣，否則⋯

我set側鏡真係好鐘意睇到車身，你講完而家即刻去教返好車鏡先

幾時改車呀？

睇習慣啦，望到車身泊位好睇d

長火攞死火燈fuse, 不過好易玩死自己粒電

好得意mai 中文唔叻都會睇番你啲片

咁較鏡轉灣過窄位 會睇唔到自己車身架喎師傅

點解唔用360車cam?安全好多

Jason，一定要望到自己車身，先可以判斷自己架車附近有幾多位，我嘅建議將鏡分6份 ，車身佔其中最邊邊一份，上下高度，下則要望到後座出面手抽位，咁嘅高度可以睇得清楚地線又唔會望得太高，學你話齋，個天唔會走

嚇死阿軒😂

正常側鏡係要望到少少車身，加上你架車咁高身

Good Video

其實盲點只要加大後鏡！側鏡加多個小圓鏡！就可以完全解決！

Iroad 其實麻麻， 我自己最後買左thinkware

咁樣調教側鏡，如果褪後 泊位，架車隨時會撞到人。

點解唔直接換側鏡啊

其實較到見到小小車身就得， 揸車CUT線同泊位個身體點都要喐來睇睇

1:32 碰瓷現場😂

側鏡梗係要見到車身，轉彎、泊車果時要睇位喎ching

唔好教壞人啦（汗）

其實盲點邊有咁複雜？又裝哩樣又裝果樣，很好奇這裡comment的人是不是平時渣開車的。只要change lane時看側鏡+擰頭望就得喇，考車牌時都教佐架啦。更唔駛講依家D新車大部分仲有埋盲點監測。

如果再換車，會想係？

Bought from yellow shop? Want to buy one as well.

其實你咁set側鏡雖然係方便，但會慢慢習慣唔做另頭動作，但當小路出大路另頭係必須唔可以skip,

支持大j

兩邊側鏡望返少少車身會比較好

唔建議一D都睇唔到自己車身 留小小都好

睇到少少車身應該係要確保自己架車冇踩線/貼線行？

留名等睇hi花🤣🤣🤣