Wah wah rehan bhai😘

ماشاءاللہ۔بارک اللہ

Subhan Allah..wah wah wah zalim zulm kr diya tune to hum mar hi Dala jawab nhi ap ka.

Good work sami bhai

MashaAllah

چمنِ طیبہ میں سنبل جو سنوارے گیسو حور بڑھ کر شکنِ ناز پہ وارے گیسو کی جو بالوں سے تِرے روضے کی جاروب کشی شب کے شبنم نے تبرک کو ہیں دھارے گیسو بھینی خوشبو سے مہک جاتی ہیں گلیاں واللہ کیسے پھولوں میں بسائے ہیں تمھارے گیسو شانہ ہے پنجۂ قدرت تِرے بالوں کے لیے کیسے ہاتھوں نے شہا تیرے سنوارے گیسو آخرِ حج غمِ امّت میں پریشاں ہو کر تیرہ بختوں کی شفاعت کو سدھارے گیسو گوش تک سنتے تھے فریاد اب آئے تا دوش کہ بنیں خانہ بدوشوں کو سہارے گیسو کعبۂ جاں کو پنھایا ہے غلافِ مشکیں اُڑ کر آئے ہیں جو ابرو(عارض) پہ تمھارے گیسو ہم سیہ کاروں پہ یا رب! تپشِ محشر میں سایہ افگن ہوں تِرے پیارے کے پیارے گیسو سوکھے دھانوں پہ ہمارے بھی کرم ہو جائے چھائے رحمت کی گھٹا بن کے تمھارے گیسو تارِ شیرازۂ مجموعۂ کونین ہیں یہ حال کھل جائے جو اِک دم ہوں کنارے گیسو چرچے حوروں میں ہیں دیکھو تو ذرا یالِ براق سنبلِ خلد کے قربان اتارے گیسو سلسلہ پا کے شفاعت کا جھکے پڑتے ہیں سجدۂ شکر کے کرتے ہیں اشارے گیسو مشک بو کوچہ یہ کس پھول کا جھاڑا ان سے حوریو عنبرِ سارا ہوئے سارے گیسو دیکھو قرآں میں شبِ قدر ہے تا مطلعِ فجر یعنی نزدیک ہیں عارض کے وہ پیارے گیسو شانِ رحمت ہے کہ شانہ نہ جدا ہو دم بھر سینہ چاکوں پہ کچھ اس درجہ ہیں پیارے گیسو احدِ پاک کی چوٹی سے الجھ لے شب بھر صبح ہونے دو شبِ عید نے ہارے گیسو مژدہ ہو قبلے سے گھنگھور گھٹائیں اُمڈیں ابروؤں پروہ جھکے جھوم کے بارے گیسو تیل کی بوندیں ٹپکتی نہیں بالوں سے رؔضا صبحِ عارض پہ لٹاتے ہیں ستارے گیسو