“რუსთავი 2” და ”ფორმულა კრეატივი” წარმოგიდგენთ კომედიური ჟანრის სერიალს ”ჩემი ცოლის დაქალები”. ნინა, თინა და კატო ბავშვობის მეგობრები არიან. ისინი ერთ კლასში სწავლობდნენ. მიუხედავად იმისა, რომ სკოლის დამთავრების შემდეგ სამივეს ცხოვრება სხვადასხვანაირად წარიმართა და განსხვავებული შეხედულებები აქვთ, 31 წლის ასაკშიც აგრძელებენ მეგობრობას და საერთო პრობლემებითა თუ სიხარულით ცხოვრებას.
სერიალში წამოწეულია ყველასათვის კარგად ნაცნობი და აქტუალური თემები: რძალ-დედამთილის, დედა-შვილის, სხვადასხვაგვარად განვითარებული კლასელების, ყოფილი მეორე ნახევრების, მეზობლების, ბავშვებისა და დიდების რთული, ხან სასაცილო, ხან კი კონფლიქტური ურთიერთობები.
სერიალის რეჟისორია გიორგი ლიფონავა, სცენარის ავტორი ქეთი დევდარიანი.
პროდიუსერები: მიშა მშვილდაძე, ირაკლი საღინაძე, ზუკა გუმბარიძე.
როლებს ასრულებენ: ანი ტყებუჩავა, ლელა მებურიშვილი, მაკა ძაგანია, ლევან ყოჩიაშვილი, მედეა ლორთქიფანიძე, ქეთა ორბელაძე, გიორგი ბარბაქაძე, სალომე შარვაძე, ბაია დვალიშვილი, ზუზუ ბეჟაშვილი, ეკა ნიჟარაძე, გიორგი ნაზარიშვილი.