Bugun hayotni chet tillarisiz faraz qilib bo‘lmaydi. Globalizatsiya jarayoni tezlashgan sari chet tilini o‘rganish zamon talabi bo‘lib boryapti. Bugun har qanday sohada yaxshi bir mutaxassis bo‘lish uchun ingliz tilini bilish oddiy talabga aylanib qoldi. Biror bir chet tilini o‘rganayotganda o‘zimga bergan savolim quyidagicha bo‘lib kelgan: "Chet tilini qanday qilib tez o‘rgansa bo‘ladi? Chet tilida qanday qilib oson gapirish mumkin?”
"Tilni tez o‘rganish, unda tezda gapira olish siri nimada? Nima uchun to‘rt yil davomida bosh ko‘tarmasdan bitta chet tilini o‘rganayotgan talabalarning aksar qismi tilda uch-to‘rt og‘iz bexato gap aytolmayotganda, tilga aloqasi bo‘lmagan sohalarda o‘qiyotgan talabalar haftada 3-4 soat til o‘rganishga vaqt ajratib tilni ajoyib tarzda o‘zlashtiryapti?”
Chet tilini o‘rganish bu biz xayolimizga sig‘dirganchalik qiyin emasligini kundan-kunga yaxshiroq tushinib etyapman. Bu uchun muhimi chet tilini o‘rganishda eng oson yo‘lni tanlab bilishdir. Bizda aksar ta’lim muassalalarida qo‘llanayotgan eski metodika ancha eskirdi va tilni o‘rganish bugungi kunda o‘qituvchidan ko‘ra aynan til o‘rganuvchining o‘ziga bog‘liq bo‘lib qoldi.
Muallif: Azimjon Rahimjonov
Kanal sahifalari:
Instagram: / _sayyoh
You tube: www.youtube.com/ sayyoh