WATCH: Ang Municipality of Kauswagan, Lanao del Norte ay dumaan sa isang malaking transpormasyon mula sa pagiging magulo at puno ng kahirapan patungo sa isang progresibo at matagumpay na pamayanan ng mga Muslim at Kristiyano.
Sa likod ng mga pagsubok na dumaan sa buhay ng mga mamamayang Kauswaganon, nananatiling malakas ang kabarangayan at kabayanan at patuloy na lumalaban ang mga ito sa mga isyu ng lipunan. Patuloy ding pinapalakas ng lokal na pamahalaan ang pamumuhay ng mga tao at naging pangunahing adbokasiya ang produksiyon ng pagkain sa pamamagitan ng #organicagriculture.
Hindi katulad ng dati, wala nang mamamayan ang nagtitiis sa gutom at nangingibabaw na dito ang kapayapaan.
Inaanyayahan ang ating mga kababayan na pumunta dito sa Kauswagan at maranasan ang hiwaga ng transpormasyon ng maliit na bayan na ito at ang magandang pamumuhay ng mga residente.
Nananatiling pursigido ang lokal na pamahalaan sa pangunguna ni Mayor Rommel Arnado upang masiguro ang patuloy na pag-unlad ng buong bayan at bawat mamamayan.