謝謝兩期影片分享,分真假勞力士細節位好正。 By the way,關於成本同利潤方面想講下,正貨賣8萬,假貨賣4千,佢既利潤唔係就咁相減咁簡單,因為正貨投放左好多前期成本同售後服務成本,研發團隊、設計團隊、燈油火蠟、設備成本...等等,一年起碼過千萬。而假貨佬只係偷左人地既成果去複製,所有前期成本都無,真係無恥到極。 另外想分享一下,多年前小弟曾經有一班奢侈牌子既高層客人黎公司傾Project (係法國飛過黎既高層,唔係本地分公司既高層),居然叫我地帶佢地去東莞買假錶,指明要超A貨,就係嗰 D 四五千蚊既假貨。 當時我問鬼頭點解佢地咁高級咁有錢都要買假貨? 鬼頭就話「呢D名牌錶,你地戴既話就算戴真貨,D 人都會覺得你戴假野,我地就算戴假野都無人會懷疑,亦都無人會敢去質疑。要戴名牌錶並唔係話你買得起就可以戴,你仲要承受得起人地對你既質疑,咁先代表你有地位。」(英文有限,鬼頭大致意思就係咁 😆😆)