Рет қаралды 10,659
Da u sperà, groupe Voce ventu, chanson chantée en période de confinement (Covid 19), chacun chez soi, mise en ligne sur les réseaux sociaux le 25/04/2020.
Un ci hè più dii, servi o maestri,
L'idea nostra per sempre l'hà sguassati.
Un ghjornu o l'altru, pè laziu o forza,
I so nemichi saranu calpighjati.
Cusi s'aspittava a guerra senza mancu dumandà
Quale simu nant'à issa Terra pè vulecci sterminà?
Cosa valete, belle credenze,
Quand'i puntelli so d'ingannu è staffile?
L'orgogliu scemu di 'sse sintenze
Ch'appupulonu qualchi stranu curtile
D'esse degni è po felici s'agguattava ancu a brama
Cum'è s'ella ci piacissi di ghjucà ‘ssu tristu drama.
Puru smariti odiu è cuntrasti
L'oru fangusu di chi cerca una gloria
Oghje spartimu i stessi imbasti
Pè sente di ch'ella hè compia a storia
Quant'ella hè cruda a bucia chi di grazia un ci accecò
Dopu avè cambiatu via, ebbimu una altra prighjò.
Emu accoltu e nostre mani
Per fà casca ogni muru
Per chi un sole novu e puru
Principii a spuntà.
Quantu prumesse emu intesu
Da tramutacci ogni stonda
Nant'à a sponda di u maraviglià.
Avà sapemu ch'ella ùn ci hè stesa
Ch'ùn sia tocca da a malasorte
Hè ora di zifrà l'intesa
Chi sfundarà e nostre antiche porte
Pè campà pari e sfarenti l'amore è a libertà
Un ci hè razza di putenti s'omu sà sempre sunnià
Chjosu ùn hè quellu librone di a nostra umanità
Simu tutti l'architetti di un rinnovu di u sperà
Da u sperà, da u sperà
Nascerà sta mossa universale
Da u sperà, da u sperà