Муха хила веза Нохчо?
1. Ша Нохчо велахь - Дела цхьаъ веш, Цуьнах кхоьруш хила веза.
2. Нохчочо да-нана лору, царна чу са диллана хуьлу иза.
3.Шен дош лардеш, тешам болуш, де эшначунна орцах волуш, комаьршалла шеца йолуш, шен сица г1иллакх- оьздангалла кхобуш, дайн сий лардеш хила веза - ша Нохчо велахь.
4. Ненахошца лераме, тунцахошца г1иллакхе волуш яккха еза нохчочо ша дуьненчохь йоккху хан.
5. Воккханиг лоруш, жимха нийсачу новкъа воккхуш хуьлуш ву Нохчо.
6. Яхь, доьналла, къинхетам, тешам шен сица долуш хуьлу - вуззина ша Нохчо верг.
7. Нахана луьйш, тешнабехк шеца болуш, ямартлонаш лелош, эхь-бехк шеца доцуш хуьлушвац Нохчо.
8. Нехан дехаре, Дела дуьхьа, ладуг1уш хуьлу Нохчочо.
9. Маршо, бакъо, нийсо йоцуш долу дахар къобал деш хирвац Нохчо.
10. Нохчочо ца хьийзаво шел г1ийланиг, ца те1або корта охьа шел г1ор алсамдолчунна хьалха.
11. Ц1енна Нохчо хир вац к1илло, дохнах эцалуш а, вохкалуш а.
12. Куьпан а, юьртан а, Мехкан а бала кхочуш хуьлу ша Нохчо верг.
13. Шена диканиг динчунна, диканца, шена вониг динчунна, вон дарца - бекхам беш хир ву Нохчо.
14. Ша муьлхачу ц1ийнах, некъех, гарах, тайпанах, тукхмах ву хаадеза Нохчочунна.
(с) Нохчалла