Buxorodagi Bahouddin Naqshband ziyoratgohi hududida joylashgan aholi qabristonida 2002-yildan boshlab dafn etish ishlari to‘xtatilgan. Biroq, qabristonga 2003-yilda vafot etgan bir necha fuqaroning mayitlari qo‘yilganini ham kuzatish mumkin. Umumiy hududi taxminan 2 gektardan ortiq yer maydonidan iborat qabriston ayni paytda qarovsiz va achinarli ahvolga kelib qolgan. “Daryo” muxbirining o‘rganishlariga ko‘ra, masʼullar bunga mahalliy aholining eʼtiborsizligini sabab qilib ko‘rsatgan.
Ko‘proq yangiliklardan xabardor bo‘lib borish uchun Daryo'ning telegram kanaliga obuna bo‘ling - t.me/Daryo