Рет қаралды 27,491
Имрӯз мо шуморо бо қашшоқтарин давлати рӯи дунё шинос мекунем. Сатҳи бекорӣ 60%, саводнокӣ 55%, яъне нисфи сокинон хонда ва навишта наметавонанд, 80% аҳолӣ қашшоқанд 6% шаҳрвандон мубталои спиданд. Ин давлат дар рейтинги кишварҳои фасодзада дар ҷойи якум буда, барои 10 ҳазор бемор 10 кат, 10 ҳамшираи шафқат ва 8 духтур рост меояд, ки сатҳи пасттарин аст. Зиёда аз нисфи аҳолӣ аз норасоии маводи ғизоӣ азият мекашанд. Бо нишонаҳои тамаддун берун аз ҳудуди шаҳрҳои калон рӯ ба рӯ намешавед. Ин ягона давлати рӯи дунёст, ки сокинони имрӯзаи он назар ба гузаштагони 200 сол пеши худ зиндагии бадтар доранд.
Номи он Гаити аст. Шояд шумо савол диҳед, ки чӣ тавр қашшоқтарин давлати рӯи дунёро муайян кардан мумкин? Барои ба рӯйхати давлатҳои қашшоқ ворид кардани ин ё он давлат танҳо 1 ё 2 факт не, балки ҷамъи омилҳои иқтисодиву иҷтимоӣ ва сиёсиро ба эътибор мегиранд.
Мутахассисоне, ки ин рӯйхатро тартиб доданд ба омилҳои зерин таваҷҷуҳ карданд: суботи иқтисодӣ, сатҳи таълиму тарбия, хизматрасонии тиббӣ, шумораи аҳолӣ, сатҳи ММД, захираҳои табиӣ, мудохилаи ҳарбиву иқтисодӣ аз сӯи кишварҳои хориҷӣ, офатҳои табиӣ аз қабили заминҷунбиву обхезиҳои доимӣ ва сохти сиёсии кишварҳо. Бо хулосаи ин фактҳои соли 2018 кишвари қашшоқтарини рӯи дунё Гаити дониста шуд.