Рет қаралды 9,905
Әйелдердің зейнетке шығу жасы бала санына қарай төмендетілсін. Бүгін Мәжіліс қабырғасында депутат Аманжан Жамалов Еңбек министрлігіне осындай сауал жолдады. Халық қалаулысы отбасында үш баладан артық перзент тәрбиелеп отырған аналардың зейнетке шығу жасын әр бала үшін екі жылға кемітуді сұрап отыр. Себебі, соңғы үш жылда әйелдердің өмір сүру ұзақтығы біршама қысқарған. Ал еңбек министрлігінінің бұған жауабы қандай? Әріптесім Айжан Шамшидин тыңдап қайтты.
Әйелдердің зейнетке шығу жасының төмендетілуін үнемі биік мінберлерден талап етіп жүрген депутат Аманжан Жамалов бүгін де осы мәселені қаузады. Халық қалаулысы өмірге келген әр бала үшін зейнетке шығу жасын екі жылға азайтқан жөн дейді. Тек бұл жеңілдік кемінде үш баласы бар аналарға қатысты болмақ. Мәжілісменнің мұндай қадаммен демографиямыз да ілгері жылжиды деген оптимистік болжамы да бар екен.
Аманжан Жамалов Қазақстан Республикасы Парламенті Мәжілісінің депутаты:
- Аналарымыз қашан бейнетінің зейнетін көреді? Онсыз да бала туып, оны тәрбиелеп үйде отырған уақытта уақытша кәсіби мансабы мен тәжірибесі тоқтап қалады. Осы кезеңде тиісті жарна аударылмағандықтан, олардың зейнетақысы жоғары болмайды. Елімізде орта есеппен әйелдер үш баланы өмірге әкеледі десек, әл бала үшін екі жылды алып тастау керек. Сонда үш баласы бар әйел 6 жыл ерте шыға алады.
Статистикалық деректерді ортаға салған депутат Жамаловтың айтуынша соңғы үш жылда әйелдердің орташа өмір сүру ұзақтығы да 77-ден 75 жасқа дейін қысқарған. Оның себебі әрине әлемді жаулаған короновирус індеті болуы мүмкін. Десе де, әлеуметтік жағдай мен әйел мойнына жүктелген жүктеменің тым көп болуы талай аналардың денсаулығына кері әсер ететіні сөзсіз.
Қазіргі заңнамаға сәйкес, 53 жастан 5 және одан да көп бала туған аналар ғана зейнеткерлікке шығады. Ал депутат ұсынысына Еңбек министрлігінің пікірін білмекке хабарласып көрген едік, ведомство өкілдері әзірге әйелдердің зейнет жасын төмендету күн тәртібінде тұрған мәселе емес деді. Алайда депутат сауалына жауап беру міндеттелгендіктен, министрлік екі апта ішінде жазбаша түрде хат жібереді.
Бізді әлеуметтік желіде оқыңыздар:
KZfaq - / @informburo31kanal
Facebook - / informburo31
Instagram - / informburo31
Vkontakte - informburo31
TikTok - www.tiktok.com/@informburo31
WhatsApp Информбюро +7 777 331 31 31
#News #Kazakhstan #Жаңалықтар #Біздіңжаңалықтар #Нашиновости #Сегодня #Қазақстан #31канал