Бәріңізге ассалаумағаликум. Нұржан Әлтаев аттандап астанада тағы алаңға шықты. Артынан ерген адамдарын арнайы жасақ машинаға әкеп тықты.
Ең қызығы, митингіні ұйымдастырып, бас болып жүрген Әлтаевқа ешкім тырнағының ұшын тигізген жоқ.
СНХ: "Мені неге алып кетпегенін білмеймін. Бұлардың қитұрқы ісі. Биліктің сондай бір саясаты бар.
Шынымен оны неге алып кетпеді? Әлтаевтың артында тұрған қандай күш? «Нұр отаннан» пазор боп қуылған оның бәрібір биліктің адамы екені рас па? Оның құрған «Ел тірегі» партиясынан қазаққа қандай опа келеді?
Мұны сізге білген дұрыс!
Ардақты ағайын, төменге түсіп подписатся деген қызыл тетік пен қасында шыққан қоңыраушаны баса салңызы. Бізге сізге маңызды әрі қызықты ақпараттарды ұсыну үшін тынбай қызмет ете береміз!
Байқайсыздар ма, біздің шенділер мен депутаттар қолында билігі бар кезде адам танымай кетеді де, орынтағынан түсіп қалса болды «халықшыл» адамға айналып кетеді. Билікті сынап-мінеп жер-жебіріне жетеді. Сосын партия құрғыш. Мәселен, «Нұр отан» Нұржан Әлтаевты қуып шығып,
депутат мантатынан айырып еді қатты өкпелеген ол «Ел тірегі» дейтін партия құрды. Бірақ онысын ресми тіркей алмады. Күні кеше ол жақтастарымен Астанада тағы бейбіт шеру ұйымдастырды. Айдағаны бес ешкі , ысқырығы жер жарады дегендей костюм-шалбарды өлтіріп тұрып киген, көзінде қара очки , қолына дауыс ұлғайтқыш ұстаған. Ал айғайлады кеп...
Әлтаевты Малдыбаев күтіп алды. Митингінің заңсыз екенін ескертті. Екі жақ біраз керілдесті.
Сөйтіп тұрғанда арнайы жасақ шеруге шыққандарға лап берді. Тырқыратып қуып сол баяғы әдеттерімен арнайы көлікке сала берді, сала берді.
Қазақстанда бұл өзі таңқалатын дүние емес қазір. Бірақ бір таңқалатыны осы шеруде Әлтаевка ешкім тиіскен жоқ. Кеудесінен итеріп, қолын шошайтып, жұлқылаған ешкім болмады. Бұған өзі де аң-таң қалды.
«Ел тірегі» партиясының жетекшісі журналистерге берген сұхбатында үкіметтің өз міндеттерін дұрыс атқармай отырғанын айтты. Баға шарықтап кетті, екпе мәжбүрлеп салынып жатыр. Бұған тағы сол үкімет кінәлі деді. Сосын атом станциясын салуға мүлдем болмайды деді. Ол салынса қазақ халқының геноциді болатынын ескертті. Бойын қазіргі билікке деген ашу-ыза әбден кернеген. «Әлтаевты ешкім қорқыта алмайды» деді.