ДЕРЕКТЕР БАЗАСЫ - белгілі бір қасиеттері бойынша жинақталған үлкен көлемдегі ақпарат жиынтығы.
МӘЛІМЕТТЕР ҚОРЫ - кең ауқымды деректер сақтауға, өзгертуге және өңдеуге арналған деректердің ұйымдастырылған жиынтығы.
ДЕРЕКТЕР БАЗАСЫНЫҢ ТҮРЛЕРІ:
1. Сақталған деректің түрі (сипаты) бойынша
2. Деректерді сақтау түрі (тәсілі) бойынша
3. Ұйымның құрылымы (ұйымдастыру түрі) бойынша
Сақталған деректің түрі (сипаты) бойынша:
1. Фактографиялық - Factographic - қатаң белгіленген форматта ұсынылып сипатталған объектілер туралы қысқаша ақпарат. Аналог - қағаз карталар, бейнекітапханалық каталогтар, кітап каталогы.
2. Құжаттық (мұрағат) - Түрлі типтердегі кең ауқымды ақпарат. Мысалы: мәтін, графика, дыбыс, мультимедиа. Аналог - мектептегі құжаттардың электрондық мұрағаты, тарихи құжаттар мұрағаты.
Деректерді сақтау түрі (тәсілі):
1. Орталықтандырылған - Барлық ақпарат бір компьютерде сақаталады. МҚ дербес компьютерде немесе желілік серверде сақталады.
2. Таратылған (Үлестірілген) - Әртүрлі ақпарат бөліктері түрлі компьютерде сақталған. Жергілікті немесе ғаламдық желі болуы мүмкін.
Деректерді ұйымдастыру түрі бойынша (ұйымның құрылымы):
1: Реляциялық емес: Иерархиялық, Желілік
2. Реляциялық: Кестелік
Желілік МҚ - бұл нүктелердің әрқайсысымен байланыстырылатын түйіндер жиынтығы (жол картасы).
Иерархиялық МҚ - көпдеңгейлі құрылым (ағаш) түріндегі деректер жиынтығы. Бірінші элементі басты болып саналады, қалғандары оған бағынышты деректер.
Кестелік - кесте түрінде ұйымдастырылған МҚ. Ең көп таралған мәліметтер қоры. Оларды реляциялық (relation - байланыс) деп атайды.
Жазба - Ақпарат жазылатын және сақталатын кестенің ЖОЛдары. Кестеде жазбалардың кез келген санының болуы немесе бірде-бір жазбаның болмауы (бос кесте) мүмкін.
Өрістер - Мәліметтер қорын құрайтын кестенің БАҒАНдары. Әр өріс үшін өріс атауы, мәліметтер типі, сипаттар тізімі, сипаттамасы беріледі.
Мақсатына қарай типтері:
1. Сандық - математикалық есептеулерде пайдаланылады. Бүтін немесе нақты сандар.
2. Мәтін - есептеулерді қажет етпейтін символдық немесе сандық мәліметтерді сақтау типі.
3. Күн/уақыт - күнтізбе күндерін, ағымдағы уақытты сақтауға арналған тип.
4. Ақша типі - ақша құндылығын сақтауға арналған тип.
5. Логикалық тип - Ақиқат немесе Жалған мағыналарға негізделіп құрылатын сөйлем.