Рет қаралды 861
Handa na raw ang detention room sa loob ng Senado para kay suspended Bamban Mayor Alice Guo at pitong iba pa na sangkot sa ilegal na operasyon ng POGO, ayon kay Senate President Francis "Chiz" Escudero.
"Ginagarantiya ng Senado kung sinoman ang dadakpin para idetina sa Senado ang seguridad ninoman.. kabilang siya [Mayor Guo]," sabi ni Escudero nitong Lunes, July 15, 2024.
"Wala akong nakikitang rason sa totoo lang, hindi ko alam kung saan nanggagaling ‘yung sinasabi niyang banta ‘di umano laban sa kanyang buhay," dagdag pa niya.
Matatandaan pinirmahan ni Escudero ang arrest order ni Guo at ng iba pa sangkot sa illegal na POGO noong July 11, 2024, matapos nilang hindi dumalo sa mga nakaraang hearing.