Galmee iyyannoo 40
As wr wb. Akkam nagaya jirtuu, jajjabaattuu, Alhamdulillaah, baga nagaya nuuf jiraattan, karaa gaariifi waan bareedaa ummata keenyaaf ni taha jedhamee yaadamu nuuf qopheessuu keessaniif hedduu galatoomaa. Jazaakumullaahu khayran. Ammallee haaluma Kanaan itti fufaa. Nuuf jabaadhaa isiniin jedha. Maqaan kiyya U.D jedhama. Wagga 2 fi cinaa dura abbaa manaa kiyya wajjiin bultii jaarrannee jiruu gaarii eegalle. Sa’ud Arabiyaa keessa waliin jiraachaa turre. Baatii 2 dura inni qabamee gara biyyaa gale. Anillee in shaa ALLAAH yeroo muraasa booda galuu barbaada. Garuu waan akka lafee laagaa danqartee natti tahe tokkotu jira. Innis akka asii gadii kana.
Amma dura abbaa warraa kiyya wajji biyya keessatti mana ijaarachuuf mari’annee lafa barbaaduu eegalle. Achi booda abbaan kiyya wanti an qabu keetii kunoo lafa tana fudhuu waan barbaadde irratti ijaarradhu naan jedhe. Anaafi abbaan warraa kiyyas gammachuudhaan lafa san fudhannee mana irratti ijaarrachuu eegalle. Amma manni xumuramutti dhihaatee jira. Abbaan warraa kiyya eega gara biyyaa galee booda, Manni kun haa dhaabbatu. Booda itti deebinee ijaarra. Amma lafa biroo bitannee mana biroo ijaarranna. Eega san xumurree booda kanatti as deebina naan jedhe. An ammoo akkamitti akkana goona jedhee mormus, jaarsi kiyya dubbii tiyya narraa fudhachuu dide. An dubbii tana maatii kiyyaaf hin himne. Duraan waan dalagadhu hunda maatii kiyyatti ergadhee, maatiin kiyyas mana ittiin naa ijaarsisaa turan. Abbaan manaa kiyya ammoo mallaqa gama kiyya ergi, an mana biroo eegala naan jedha. Jidduu tanatti rakkoo jabduuf saaxilamee malli na harkaa bade.
abaan manaa kiyaa amanee akkaa halaa jirenyaa numijeessi jedhee isatii ergaa moo warii kenyaa manaa kanaa haxumuranii itiin ergaa jedhee yaddoo gudaa kesaan jira. kanafuu akkaa waan furmataa tahaa jatanii yadaan nafdabarsitaan kabajaa fi jalalan isiin gafadha.
Galmee iyyannoo 41
Assalaamu aleykum warahmatullahi wabarakaatuhu
Ani A.K jedhama. Haadha manaa tiyya himachuuf gama dhaddacha kanaa dhufe.
Anaafi jaartiin tiyya nikaaha hidhannee jirra. Garuu hanga ammaatti walitti hin dabalamne. osoma walitti hin makamin mee akkami haqni tiyya jirtii? jedhee gaafannan, hin jirtu naan jette. ani guyya isin kana naaf himterra eegalee hedduu natti dhagahama. kanaafu mee akkamitti qalbi tiyya tana gad dhabu dandaha? Gorsa gaarii qalbii tiyya tasgabbeessu naaf dhaamaa. Galatoomaa.
Galmee iyyannoo 42
Qophii furmaata haala bultii keessatti argatan tana nuuf qopheessuu keessaniif hedduu galatoomaa. Ani maqaan kiyya S.A jedhama. Furmaata gaarii isin biraa nin argadha jedhee abdadha. Abbaa manaa kiyya hedduun isa jaaladha. Innis duraan hedduu na jaalachuu ture. Amma garuu jalalli inni naaf qabu xiqqaachaa dhufee jira. An abbaa manaa kiyya umriidhaan ni caala. Isa dura nama biraatti heerumee ilmaan lama argadhe. Waan isa dura dabarse hunda himeefii jira. Wanti isarraa dhoyse tokkolleen hin jiru. gaafa duraa waa hunda caalaa diin isaa jaaladhee itti dhihaadhe. Eega diiniif jecha walitti dhihaannee booda, dhugaa jirtu hunda itti himnaan jecha bareedaa tokko naan jedhe. Ani dubrummaa duniyaa irraa haajaa hin qabu. Yoo Rabbiin nu milkeesse dubrummaa aakhiraa san barbaada naan jedhe. Jechi isaa kun hedduu na gammachiisee qalbii na booji’e. haala Kanaan anis boojuu isaa tahee karaa halaaliitiin nikaaha godhannee bultii wajji eegalle. Adaduma oollee bulluun dubbiin jijjiiramaa dhufte. Dhiheenya kana dubbii hamtuu isarraa na fageessitu natti dubbatee qalbii na cabse. Jaalalli inni naaf qabus xiqqaatee jira. Tanaatu gama dhaddacha kanaa na fide. Mee furmaanni kiyya maali. Tooftaan bultii tiyya tana ittiin qajeelchuu dandayu jiraa? Akkaataan jaalala duraa san ittiin deebisuu dandayu jiraataa? Deebisaa keessan obsaan eeggadha. Galatoomaa.
Copyright Notice:
Reuploading any of our videos or content to another KZfaq channel or platform without our explicit consent is a violation of our copyright. We do not tolerate such actions.
We actively monitor for unauthorised use of our content. If we discover that our content has been reuploaded without permission, we reserve the right to take appropriate legal action, including reporting the infringement to KZfaq and requesting the removal of the unauthorised content.