Dildora Rustamova 1978 yil 6-avgust sanasida Buxoro viloyatining Jondor tumanida tu'gilgan. Bu suhandon marhum o'zbek aktyori Nasriddin Rustamov va aktrisa Gulnora Rustamovalarni to'ng'ich farzandi hisoblanadi.
Dildora Rustamovani oilada bir ukasi va bir singlisi bo'lib, uning ukasi ko'pchiligimizga yaxshi tanish Shod guruhi a'zosi xonanda Otabek Rustamov bo'ladi.
Dildora Rustamova Toshkentdagi 59-sonli xitoy tiliga ixtisoslashtirilgan maktabda o'qigan. Maktabni tamomlagach, dastlab Toshkent davlat san'at oliygohining Teatrshunoslik bo'limida, keyinroq "O'zbekiston milliy universiteti" Xalqaro jurnalistika bo'limining magistratura bosqichlarida tahsil olgan.
U 1997 yilda o'tkazilgan suhandonlik tanlovidan muvaffaqiyatli o'tib O'zbekiston televideniyasida o'z faoliyatini boshlagan.
Dildora Rustamova faoliyati davomida bugungacha "Yangiliklar" va "Axborot" kabi informatsion dasturlar, "Mustaqillik", "Navro'z" umumxalq bayramlari hamda turli mukofotlarni topshirish marosimlari va ko'plab konsertlarda boshlovchilik qilgan.
Bulardan tashqari u "Sport" telekanalida "Diktorlar guruhi" rahbari sifatida ham faoliyat yuritgan.
Dildora Rustamova 2001 yilda Yunesko.ning O'zbekistondagi vakolatxonasi o'tkazgan tanlovda grant sohibi bo'lib, Koreyaning KOICA o'quv agentligida bir oy tahsil olgan. Shuningdek 2004 - 2006 yillarda Turkiyaning TRT davlat telekanallarida malaka oshirib qaytgan.
Dildora Rustamova tomoshabinlarga nafaqat suhandon sifatida balki dublaj sohasidagi faoliyati bilan ham yaxshi tanish. U hozirgacha ko'lab film va seriallar dublajida ishtirok etgan va haligacha ushbu sohada ham faoliyat yuritib keladi.
U o'zining ko'p yillik faoliyati orqali 2011 yilda "O'zbekistonda xizmat ko'rsatgan madaniyat xodimi" unvoni bilan, shuningdek bir necha nufuzli mukofotlar bilan taqdirlangan.