මාරයාගේ මාර්ගය දිගේ දිඹුලාගල ඖෂධ පොකුණ සොයා
අඩියක තරම් වත් පළලක් නොමැති වූ ගල් බැම්ම මතින් ගමන් කිරීම අපහසුය වම් පසට වන්නට දිඹුලාගල කන්දේ ගල් බිත්තියත් දකුණු පසට වන්නට මීටර් සිය ගනනක මහා හෙලත් විටක හදවතට ගෙන ආවේ සැබැවින්ම වෙනස්ම ආකාරයේ හැගීමකි. මෙම මාර්ගයට මාරයාගේ මාර්ගය ලෙස නම් තබන්නට ඇත්තේත්, මෙම මාර්ගය ඖෂධ පොකුණට පහසුවෙන් කෙනෙකුට ලගා නොහැකි වන සේ තනන්නට ඇත්තේත් එම මාර්ගය අවසානයේ හමු වන ගමනාන්තය අතීතයේ සිටම අමිල වූ ස්ථානයක් වූ නිසාවෙන් බව හැගී යාමට අපටද වැඩි වේලාවක් ගත නොවූයේ එය සැබැවින්ම සොබාදහම සහ අතීතය එක්ව කල මනරම් නිර්මාණයක් වූ නිසාවෙනි.
මෙසේ මීටර් සියයක පමන දුරක් ගමන් ගමන් කල පසු තද තැඹිලි වර්ණයෙන් යුක්ත පාශාණ වලින් තැනී ඇති ගල් ගුහා රාශියක් හමු වන අතර ඒවා අප පෙර කිසිදා ශ්‍රී ලංකාවේදී නොදුටු තරමේ සුන්දරත්වයකින් සහ අපූර්වත්වයකින් පොහොසත් ය.මාරයාගේ මාර්ගය අවසාන වන්නේ ගල් ගුහා විශාල සංඛ්‍යාවක ආරම්භයෙනි. එහි මධ්‍යයේ ඇති පොකුණ පිරිසිදු සහ පැහැදිලි ජලයෙන් පිරී ගොස් ය. වර්ශාවකට හෝ නිරාවරණය නොවන තැනෙක පිහිටා ඇති මෙම පොකුණ පිළිබදව පුරාවෘත්තය ගණනාවකි.
බුදු රජාණන්වහන්සේගේ මහියංගනයට වැඩම කල අවස්ථාවේදී යක්ශ ගෝත්‍රික නායකයකු විසින් මේ ඖෂධ පොකුණෙන් පැන් ගෙන ගොස් බුදු රජානන් වහන්සේට පූජා කල වගත් උන්වහන්සේගේ අධිශ්ථානයකට අනුව දිඹුලාගල කදු මුදුනේ ඇති ඖෂධ පොකුණේ ඇති ජලය කිසි දිනෙක සිදී ගොස් නැති බවත් එහි ඇති ජලය පානය කිරීම සහ රෝගී අයෙකුගේ ඇග ගැල්වීම රෝග සුව කිරීමට හේතු වූ බවද ගැමියන්ගේ මතය යි.
කෙසේ වෙතත් කිලෝමීටර දෙක හමාරක පමන ගමනකින් පසු ලගා විය හැකි මේ සොදුරු ඉසව්ව දිඹුලාගල පංසලේ ඉතිහාසය පිළිබදව කිසිදා නොදත් සහ නොකියවුනු කතාවක සාක්ෂි සාධක සගවාගෙන සිටින වග නම් නොරහසකි.
ආයුබෝවන් මම දිනේෂ්.
රූප රචනාව අද උදෑසන 8.30 ට
Dimbulagala, the beautiful and ancient mountain range 15 km from Polonnaruwa, is a fantastic site. On this old site, there are around five valuable sites, Namal pokuna, Pulligoda cave paintings, and an ancient monastery, which are highlights. However, it is a risky journey where we must climb up to see the medicinal pond that holds the stories that run back to Load Buddha’s one of the visit to Sri Lanka. This was a fantastic experience. I hope you will enjoy the video.
Greetings,
I am Dinesh
➖➖➖➖➖➖➖➖➖➖➖➖➖➖➖➖➖➖➖➖➖➖➖➖➖➖➖➖➖
Instagram - / dinesh_a_pathum
➖➖➖➖➖➖➖➖➖➖➖➖➖➖➖➖➖➖➖➖➖➖➖➖➖➖➖➖➖
“Copyright @ [Dinesh A Pathum 2023]. Any illegal reproduction of this content will result in immediate legal action.‼️“
#dimbulagala #polonnaruwa #heritagesitesinsrilanka #visitsrilanka #roadtripssrilanka #ancientbuddistmonastry #history #gopro10 #djidrone