Рет қаралды 4,705
ANO BA ANG PROSESO SA PAGSASAMPA NG KASONG ILLEGAL DISMISSAL LABAN SA EMPLOYER?
Sagot ni Atty. Kirstie, magsisimula tayo sa Single Entry Approach o SEnA. Dito, pupunta sa DOLE o pinakamalapit NLRC para mag-file ng request for assistance. Pagkatapos, makatatanggap kayo ng notice of conference. Kung may offer of settlement, kailangang ipaalam ito sa SEnA desk officer sa loob ng limang araw. Kapag walang settlement, ipapasa na ang reklamo sa labor arbiter. Muli kayong makatatanggap ng notice of conference at kung may offer of settlement, kailangang ipaalam ito sa labor arbiter.
Kapag walang settlement, aatasan ang dalawang kampo na magsumite ng position paper. Pagsumite ng position paper, makalipas ng 10 araw ay magsusumite sila ng reply. Pag may desisyon ang labor arbiter, puwede itong iakyat sa NLRC ng isa sa dalawang partido kung hindi ito paborable sa kanila. Kapag natalo sa NLRC, puwedeng magfile ng motion for reconsideration. Kung ibinasura ang motion for reconsideration, puwedeng iakyat ang usapin sa Court of Appeals. Pagkatapos nito, puwede ring dalhin ng isa sa mga partido ang kaso sa Supreme Court kung hindi pabor sa kanila ang desisyon.
***
Para sa inyong mga katanungan para sa ating #LegalHelpdesk, pumunta sa / cheldiokno at i-click ang "Send Message"!