Рет қаралды 1,128
2016 წლის 15 იანვარს საქართველოს დემოკრატიული რესპუბლიკის მთავრობის თავმჯდომარის ნოე ჟორდანიას დაბადებიდან 148 წელი შესრულდა.
ამ თარიღთან დაკავშირებით ივანე ჯავახიშვილის სახელობის თბილისის სახელმწიფო უნივერსიტეტის ბიბლიოთეკის „საქართველოს დემოკრატიული რესპუბლიკის (1918-1921 წწ.) შემსწავლელმა ცენტრმა-ბიბლიოთეკამ“ გამართა დისკუსია თემაზე: „ნოე ჟორდანია, როგორც პოლიტიკური ლიდერი“.
შეხვედრა ორ ნაწილად წარიმართა. პირველი ნაწილი დაეთმო სამ მოხსენებას შემდეგ თემებზე:
1. „ნოე ჟორდანია და საქართველოს დემოკრატიული რესპუბლიკის საგარეო პოლიტიკური ორიენტაცია“.
მომხსენებელი - ბექა კობახიძე /ისტორიის მეცნიერებათა დოქტორი (თსუ, 2015), ილიას სახელმწიფო უნვერსიტეტის მიწვეული ლექტორი/.
2. „ნოე ჟორდანია და შეიარაღებული ძალების ჩამოყალიბების პროცესი დამოუკიდებლობის გამოცხადების შემდგომ“. მომხსენებელი - დიმიტრი სილაქაძე /თსუ-ს საქართველოს ისტორიის ინსტიტუტის დოქტორანტი/.
3. ,,ნოე ჟორდანია პოლიტიკური ინსტიტუტებისა და დემოკრატიის შესახებ“. მომხსენებელი - ლევან ლორთქიფანიძე /თსუ-ს პოლიტიკის მეცნიერების მაგისტრანტი/.
მეორე ნაწილში გაიმართა დისკუსია: ,,ნოე ჟორდანია, როგორც პოლიტიკური ლიდერი“ - მოდერატორი ირაკლი ირემაძე - / „საქართველოს დემოკრატიულ რესპუბლიკის შემსწავლელი ცენტრის-ბიბლიოთეკის“ გამგე/