Рет қаралды 550,321
A song describing preparation of Diwali celebrations. There is a tradition of cooking snacks and sweets in many parts of India. Kids in our family are having fun with the process while adults are busy cooking.
Stay tuned for new content.
दिवाळीत फराळाची गोड तिखट ट्रीट,
किचनमध्ये सगळ्यांची चालू खीटपिट.
घातला आहे आम्ही फराळाचा घाट,
कढया-बिढया, डाव-बीव, डब्या-डुब्यांचा थाट.....
खोवलं जातं, चिरलं जातं, दळलं जातं, मळलं जातं.
घोळलं जातं, तळलं जातं, बोट जरासं पोळलं जातं.
खोवलं जातं, चिरलं जातं, दळलं जातं, मळलं जातं.
घोळलं जातं, तळलं जातं, बोट जरासं पोळलं जातं.
वासानं तोंडाला पाणी सुटलं जाम
आई म्हटली धीर धर, थोडा वेळ थांब
तरीपण केली लुडबुड किचन मध्ये जाऊन
फराळाला तयार होताना आलो हळूच पाहून.....
गोल गोल फिरून चकली थकली
आईला म्हटली, टाईम प्लीज!
करंजीतल्या खोबऱ्याचा
गुळानं घेतला, गोड गोड किस!
वळुन वळुन लाडवांना गरगरून आलं
आजी म्हटली आईला तूप फार झालं
करंजीची होडी कढईत पोहू लागली
शंकरपाळी शहाणी चौकोनी वागली
तडम् तुडुम् टकट तुडुम् उडु लागले जिन्नस,
तू खरपूस कि मी? दाण्याची खोबऱ्याला खुन्नस....
चकली चिवडा तेलात भिजुन झाले चिंब
लाडवाच्या पाठीवर बेदाण्याचं टिंब
चकली चिवडा तेलात भिजुन झाले चिंब
लाडवाच्या पाठीवर बेदाण्याचं टिंब
चिवड्यातला कढिपत्ता
कडबोळ्याची करे थट्टा
अनारश्यांच्या पाठीवरती खसखस पिकली पहा
अनारश्यांच्या पाठीवरती खसखस पिकली पहा
कधी एकदा खाऊ मिळणार
वाट पहात रहा, वाट पहात रहा
वाट पहात रहा, फक्त वाट पाहत रहा......