دیوانی نه‌دیم به‌شی یه‌ك
• Diwani Nadim دیوانی نه...
ژيانی شاعیر له‌ زمانی خۆیه‌وه‌:
ناوم ئاراز یاوەر محمد لەدایک بوی 1986م لەگەڕەکی ئابڵاخ لەشاری سلێمانی چاوم بەدنیا هەڵهێناوە نەدیم ناسناوی شیعریمەو بەواتای، هاودەم،یاخود پەشیمان دێت....خوێندنی سەرەتاییم لە قوتابخانەی میدیا لەگەڕەکی ئابڵاخ تەواو کردووە دواتر چومەتە قوتابخانەی زانیاری ناوەندی.بەداخەوە نەمتوانی سەرکەوتوبم و لەخوێندن بەردەوام بم لەبەر چەند هۆکارێ.هەر لەسەرەتاوە حەزو خولیام بۆ شیعر هەبووــ تا ئەوکاتەی دەستم دایە خوێندنەوەی دیوانی شاعیرانی کلاسیک وەکو نالی و مەحوی ئەدەبی فاریش کەمێک خوێندۆتەوە لەوانە حافزو خەیام... وەک هەموو کەس سەرەتا بەکرچ و کاڵی دەستم پێ کرد...بەڵام بەتێپەڕینی کات و خوێندنەوەی زیاتروو ڕەخنەی هەندێک هاوڕێی شارەزا هەست دەکەم گۆڕانکاریم بەسەردا هاتبێ،من پێم وایە جیاوازی نێوان کەسێ کە بۆ حەزو ئارەزو شیعر دەنوسێ و کەسێک ئازارو خەم و تەنهاییەکان وای لێدەکەن شیعر بنوسێ زۆر زۆرەـ هەندێک شیعر دەنوسن هەندێک شیعر دەیان نوسێتەوەـ من پێم وایە ئافرەت چۆن ژان دەیگرێ مناڵێک دێنێتە دونیاوە.شاعیریش دەبێ دڵی ژان بگرێت بۆ ئەوەی شیعرێکی جوان و تەندروست بێنێتە دنیاوە.نەک خۆت دوای ئیلهام بکەویت بەڵکو ئەو ئیلهامە جێ دەگرێ کەخۆی لەدەرگای دڵت بدات.لەگەڵ ئەوەشدا هیچ کارێ بێ کەم و کورتی نییەو مرۆڤ هەرگیز ناتوانێ قسەی دڵی خۆی بەتەواوی بکات هەروەک چۆن گۆرانی شاعیر دەڵێت هەرچەن دەکەم ئەو خەیاڵەی پێی مەستم بۆم ناخرێتە نێو چوار چێوەی هەڵبەستم