السلام عليكم و رحمة الله
الدجاج حسب الرغة ايما كوكلي او دجاج كبير او قطع حسب الدوق و لا غير قطع الافخاد
في الغسيل منكترش الملح غييييير شوية باش متيشربش الملح بزاااف و ينزل في المرق و هو تيطيب و يملحو لينا و النصيب ديال الدجاج بدون ملح لانه غيكون شارب الملح شوية و ويطلق الملح في المرقة
في إناء ندير سكين جبير و الابزار و الخرقوم وأربعة فصوص التوم مدقوق و الزعفران شعرة و عصير تلات البرتقال بالنسبة لخمسة دجاجات صغااار بحال هادو و نخلط كلشي و ندوز فيهم الدجاج و نخليه يرقد ليلة كاملة
لغد ليه ناخد طنجرة نزل فيه دواور البرتقال و نحط الدجاج لهاد الكمية قطعت جوج برتقالات نقطعهم بالقشرة غير يكونو مغسولين مزيان
و نزيد لاصوص اللي كان راقد فيها الدجاج و زعفران شعرة و عواد القرفة و حبات الهيل و معلقة السمن و كأس كبير الماء و شوية الزيت العادية او الزبدة منستعملوش البلدية لان ريحتها قوية
و نردوه يطيب غير نغطيو الطنجرة بلا كوكوط
منين يطبن ندهنوه مزياااااااان بالزبدة و شوية الملح إلا كان لحم الدجاج مسوس و ندخلو تيحمر و نصفي المرق من البرتقال و نخليه يعقاد او يتختر عاد نقدم الدجاج منخليش الدجاج يطيب في طنجرة واحة باش ميلصقش الدجاج و يتحل
#عراضة_مغربية
#الدجاج_بالليمون
#الدجاج_محمر