Рет қаралды 8,790
بەشێک لە کۆمپانیاکانی فرۆشتنی فیلتەری ئاو سەردانی ماڵان دەکەن و لەڕێگەی تاقیکردنەوەیەکەوە "دەیسەلمێنن کە ئاوی ئەو ماڵانە شیاوی خواردنەوە نین و پێویستە فیلتەر بکڕن".
لەشکر حەمید، ئەندازیاری خۆراک لە بەرنامەکە گوتی، کۆمپانیاکان دەچنە ماڵان و به شێوەیەکی چەواشەکارانە پشکنینی ئاو دەکەن، ئەوان لە رێگەی ئامێرێکەوە ئاوی ماڵان و ئاوی بتڵ و ئاوەکەی خۆیان تاقی دەکەنەوە، ئاوی ماڵان چونکە رێژەیەک خوێ و کانزاکانی تێدایە لەوکاتەی کە یەکێک لەو دوو جەمسەرەی ئامێرەکە لەنێو ئاوەکە دادەنرێت، بەهۆی روودانی كارلێکی كيمیایی لەگەڵ خوێیەکە دەبێتە هۆی دروستبوونی هایدرۆکسیدی ئاسن، بەهۆی ئەوەش رەنگی ئاوەکە زەرد دەبێت، چونکە یەکێک لە جەمسەرەکان لە ئاسن دروستکراوە بۆیە لە ئاوەکە گۆڕانکاری بەسەردا دێت و لەگەڵ خوێیەکە دەست بە توانەوە دەکات. ئەوان دەڵێن ئاوەکە پیسە بۆیە رەنگی دەگۆڕێت کە بەهیچ شێوەیەک ئەوە راست نییە و ئەوە تەندروستە.
لەشکر حەمید هەروەها دەڵێت "بەڵام ئاوەکەی خۆیان چونکە خوێی و مەوادی کانزایی تێدا نییە ئەو رەنگ گۆڕینەی تێدا روو نادات و خەڵکی پێ چەواشە دەکەن. لەکاتێکدا ئەو خوێ و مادە کانزاییانە بۆ جەستە پێویستن".
#health
#rudaw
#water