ขอบคุณโอกาสดี ๆและความประทับใจดีๆจากโฮมอีสานเด้อครับ😊

ได้การๆ

ทำไมไม่มีเนื้อให้ได้ขับร้องบ้างครับ

เพลงเพราะมากครับ ชื่นชมครับ

เศิกม้างแถน (เนื้อร้อง) (ผญา) เมื่อนั้น เสียงเกราะดังคื่นก้องถ้วนทั่วปัฐพี เป็นอันส่งสัญญาณ เติ่นพลแพนล้าน ฝูงกบสัตว์ใหญ่น้อยทะยอยกันเป็นกลุ่ม ได้มาซุมนุมน้อมโฮมฮ้อมหลั่งขบวน สรรพสิ่งล้วนในโลกหลุ่มโลกา ฝูงนานาหมู่สัตว์มากมายเหลือล้น อนเสียงฮ้องอนันต์นองขงเขต ว่าในเหตุเทื่อนี้มีเรื่องด่วนพะลัน แท้แหล๋ว (เกริ่นลำพื้น) เทื่อนั้น ท้าวพญาคันคากได้ฮับข่าวชาวนิกร เกิดมีสังสิ่งฮ้อนแผ่ขจรเมืองบ้าน ว่าในสานส์บอกแจ้งทูลแถลงต้านกล่าว.... พญาแถน.บ่คือเค้า.คาวกี้ก่อนมา บ่ยอมเปิดป่องฟ้าให้มวลนาคนาคี ขึ้นไปเล่นวารีอยู่บนสวรรค์เบื้อง ฝูงชาวเมืองโลกใต้ระทมไปทุกหนแห่ง จั่งว่าเกิดภัยแล้งแหล่งน้ำกะเหล่าสูญ แดนพาราจั่งวุ่น |มีแต่ฝุ่นผุยผง ฝนบ่หวยฮำลง เขตขงภายพื้น (เดินลำพื้น) เอาเด้อ ในกาลนั้นกะสันฮ้อนบัดฮู้ข่าว พญาคันคากเจ้ากะเติ่นเต้าต่อฝูง หมายมาดมุ่งขึ้นสู่เมืองแถน ฝ่ายสวรรค์เมืองแมนด่วนพะลันไวฟ้าว ใน.มโนท้าวโกธาฮนฮ่อน ย้อนว่าแถนท่อนไท้ส่างไลเค้าต่อเมือง. ไลลืมเตื้องฮีตเก่าประเพณี สายสัมพันธ์ไมตรีมุ่นมีเพม้าง ทางเคยสร้างฮีตคองเคยฮ่วม พวมสิฮอดบ่อนบั้นพะลันม้วนเสื่อมสูญ สูนเหลือฮ้ายกะต้านเติ่นโยธา ขนหมู่มวลสัตสาขึ้นตีเมืองแมนก้ำ ประพันธ์ : เกรียงเดช ผลทวี (อ้ายกึ๋น)