Бұл уақытта ұйқысы қашқан әскерилер бір бірімен дауласа бастады. Андерсон Лассонның патрондарының жартысын беруді талап етеді, өйткені ол араларындағы ең үздік мерген екен. Лассон өзіне сенімсіздеу жігіт, сондықтан оның келтірген фактілерін дұрыс көріп, патронды беруге дайын болған, алайда осы сәтте Грамм араласады. Ол Андерсонға бұл әскери жарғыға қарсы екенін айтып, онымен дауласа бастайды. Тіпті олар бір бірімен төбесуге дайын тұрған, қуанышқа орай дер кезінде әскери офицерлер келіп оларды сабырға шақырады. Сант сыртқа шыққанда Бундгардты байқайды. Ол сабырлы көрінеді, соғыстың ең ауыр жүгі оған түсіп тұрғанына қарамастан. Сөйтсе егер неміс әскерлері шекараны кесіп өтетін болса оның сарбаздары немістерді тоқтату үшін бірінші болып жіберіледі екен. Олар шекараға қарай пулемет орнатылған мотоциклдермен аттанатын болады. Ал велосипед взводы шекараға тек таңға таман ғана жете алатын болғандықтан, олар қосымша күш ретінде әрекет ететін болады.