Бәріңізге Ассалаумағаликум Құда құда дегізген құйрық бауыр жегізген. Қазақтың бір құдасы сонауу Женевада тұрады. Анау мынау емес Дүниежүзілік денсаулық сақтау ұйымының бас директоры Тедрос Гебрейесус. Бұ кісі құдасын қатты сыйлайды екен. Қазақтың шапанын киіп тұрып қазақша құттықтау жолдады. Кімге дейсіз ғой Жүрсін Ерманға.
Егерде деймін де өстіп бейнеқұттқтау жолдамағанда мұндай құдамыз бар екенін білмейде қалар екенбіз. Сонымен Эфиопиялық бұл кісі Жүрсін ақынмен қалай құда болып жүр? Алыстан құттықтағанша неге тойға өзі келмеген? Оның Дәулет Тұрлыхановпен де құда боп шыққанын естідіңіз бе? Ақын Жүрсін Ерман енді денсаулық сақтау министрі бола ма? Жиен немересін эфиопиялықтарға ұзатқанына ол неге еш өкінбейді? Мұны сізге білген дұрыс?
Иә, қазақ үшін қазір мұхиттың арғы жағындағы Америкамен не болмаса іргедегі Қытаймен құда болып, төс қағыстыру таңсық болмай қалды. Бірақ айтыстың ақ туын желбіреткен ақын Жүрсін Ерманның дүниежүзлік денсаулық сақтау ұйымының бас директорымен құда екені ешімнің ойына кіріпте шықпаған болар. О кісінің қазақ ақыны, мыңжылдық құдасы Жүрсін Ерманды қатты сыйлайтыны сонша қазақшасынан өлеңдетіп ақ тілегін ақтарғаны тіптен қызық.
Әу баста ел-жұрт мұны жай прикол деп ойлағаны рас. Содан ақпарат расталды. Nege.kz тілшісі Жүрсін Ерманға хабарласып, бұл құдалық қалай орнағанын сұрапты. Енді соған құлақ түріңіз. Ақын ағамыз айтады. «Құданың құттықтауынан кейін мені бәрі ағаш атқа мінзігіп жатыр екен. «Жайшылықта қазаққа ақыл айтады, өзінің жиенін шетелдікке беріпті» деген әңгіме айтылып жатқан көрінеді. Менің екі қызым бар. Кіші қызым Ардақ Алматыда тұрады. Соның Айдана деген қызы бар. Яғни, жиен немерем. Біз оны бала кезінен тіл үйрену үшін Жаңа Зеландияға мектепке бердік. Мектепті сол жақта бітіріп, Швейцариядағы қонақ үй бизнесі деген академияға оқуға түсті. Оны тәмамдаған соң Испанияда бір жыл магистратурада оқыды. Біріккен ұлттар ұйымында жұмыс істеді. Сол жиенім төрт жыл бұрын ДДСҰ-ның бас директоры Тедрос Гебрейесустың үлкен баласы Аманмен танысып, соған тұрмысқа шықты. Күйеубала - отбасында бес ұлдың үлкені.
Міне бұл құдалық осылай болған екен. Жүрсін ағамыз жиенін Алматыда қазақи сән-салтанатпен той жасап, ұзатыпты. Әрі эфиопиялықтарға ұзатқанына еш өкінбейтінін мәлімдеді. Ал әлемнің бас дәрігері саналатын Тедрос құда Жүрсін Ерманның 70 жылдық тойына неге келмеген? Ақынның айтуынша ол негізі тойға келмекші болған. Аяқ астынан өткізетін сессиясы болып қалып, қазақ еліне жолы түспей қапты. Содан кейін екен осылай бейне-құттықтау жолдап жатқаны.
Негізі Жүрсін Ерман Тедростың үлкен құдасы. Дүниежүзілік денсаулық сақтау ұйымы бас директорының нағыз оригинал құдасы болса грек-рим күресінен Сеул Олимпиадасының күміс жүлдегері, даңқты спортшы Дәулет Тұрлыханов. Әңгіме былай. Жүрсін Ерманның Ардақ деген кіші қызы Дәулет Тұрлыхановпен отау құрған. Сол Дәулет ағамыздың қызы Тедростың баласымен көңіл жарастырып шаңырақ көтеріпті.
Болары болып, бояуы сіңіп болсада, құдамызды енді танып-біліп жатырмыз. Атағы аспандап тұрған денсаулық сақтау ұйымының басшысы тәп-тәуір қазақша сөйлегеніне біраз жұрт риза боп жатыр. Біздің міңгірлеген министрлерден жақсы екен деп. Бұл құданың карантин бойы сөзін аңдумен күніміз өткені рас. Енді әйтіп-бүйтіп казвакті тіркетіп алсақ дұрыс болар еді деп әзілдеп жатыр кей қулар. Дегенімен кей жұрттың Жүрсін Ерманға өкпесі қара қазандай. Өзге ұлтқа, өзге жұртқа қыз беріп аралас некеге жол берді дейді. Көпке үлгі болар ағамыз еді ғой, неге жиенін шетелдікке тұрмысқа берді екен деп ашулы. Аралас неке демекші енді мына бір ой салар әңгімеге құлақ түріңіз. Қайрат Нұрлықасымұлының «Қазақ елі» парақшасында жарияланған бұл әңгімесі естіген жанды ойландырып тастайды. Сізде тыңдап ой қортыңыз!
Кезінде 18-19 ғасырда Европадағы алға кетіп бара жатқан француз ұлтын, Франция мемлекетін жою үшін,олардың әйелдерін, қыздарын мақтады "ең сұлу солар" деп өтірік лақапты жер бетіне таратты. тіпті Париж қаласын махаббат қаласы (ордасы) деп асыра сілтеген. Сүйтіп француз ұлтының тамырына балта шапты. Қыздары, жесірлері әр ұлтпен некелесіп қан,ген бұзылды. Ұлт тағдыры әйелге байланысты. Одан кейін Азиядағы алға кетіп бара жатқан жапон ұлтын, Жапония мемлекетін жою үшін жапон қыздарын, әйелдерін мақтап "әлемдегі ең сұлу солар"- деп жапондарға ауыз салып еді,бірақ олардың мемлекеті қарсы тұрды. Қыздарын, жесірлерін басқа ұлтқа некелестірмеді,бермеді. Қазір соңғы 15 жылда Қазақстанға ауыз салды. Қазақ қыздарын мақтап жатыр. Не болса да уақыт көрсетер. Бірақ қазақ қыздары өте аз. Онсыз да өзге ұлттың құшағында кетіп жатқан қазақ қыздарына жүрегің ауырады. Текті қазақ қыздарының жалаңаштанып əлем халқының алдында тəнін көрсетуі бұл қуантарлық жайт емес. Кезінде осы қазақ қызының ар-намысы үшін талай қан төкті ғой ата-бабаларымыз. Сол сияқты бір деректі айта кеткенді жөн көріп отырмын. Бірде "əлем аруы" Францияда өтіп жатқан кезінде Туркиядан жарысқа келген ару ортаға іш киіммен шыққан кезінде,қазылардың біреуі күліп жіберіпті.