Рет қаралды 291,648
Ресейде ішінара мобилизациялау жариялағаннан бастап көрші елден өзге мемлекеттерге жаппай қашып жатқандар көбейген. Ресей азаматтары әуе, темір және көлік жолдарымен әсіресе көрші елдерге ағылып жатыр. Соның салдарынан кешелі бері Қазақстан-Ресей шекарасында да ұзын-сонар көлік кептелісі пайда болған. Қазақстанға келіп жатқан Ресей азаматтарының көбі әскерге шақыртудан қашып жатқандарын және көрші елдің билігі бастаған әскери операцияны қолдамайтындарын айтқан. Әріптесім Руслан Жасұланұлы шекарадағы ахуалды біліп келген еді.
Бұл Батыс Қазақстанмен шектесетін Ресейдің Маштаков шекара бекетіндегі жағдай. Ресейде ішінара мобилизация жарияланғаннан бастап елімізге ағылған көліктердің санында есеп жоқ. Көрші елден Қазақстанға келіп жатқан Ресей азаматтарының айтуынша, автокөлік бекетінің алдына үш жүзге жуық көлік жиналып қалған. Соның кесірінен ұзын сонар кезек бірнеше шақырымға созылған. Ал Ресей азаматтарының көбі әскерге шақыртудан қашып, үйлерін тастап көрші елдерге кетуге мәжбүр екенін ашық айтуда. Қазақстанға келіп жатқан ресейліктердің көп болғаны соншалық, қазірден Оралдағы жалдамалы пәтерлер мен қонақ үйлерде бос орындар қалмаған екен.
ЛЮБОМИР АННИСИНКОВ, Ресей Федерациясының азаматы:
- Ситуация пока не понятная. Люди в какой-то панике. И в кипише все это делают. Они пересекают границу. Граница я так полагаю в ближайщее время будет закрыто. Потому что отток идет.
Ресейдің үш өңірімен шектесетін Қостанай облысында да осындай жағдай. Әсіресе Ресейдің Троицк шекара бекетіне ағылып жатқан көлік нөпірі азаяр емес дейді әлеуметтік желіге жазбалар салып жатқан көпшілік. Тіпті кеше 500-ге жуық көлік қазақ шекарасына бет алғанын айтады. Бәрі Ресейден қашып жатыр делінген.
РУСЛАН ЖАСҰЛАНҰЛЫ, тілші:
- Біз қазір солтүстіктегі Қызылжар шекара бекетінің алдында тұрмыз. Бұл Петропавл мен Ресейдің ірі мегаполистерінің бірі Түмен қаласын жалғайтын жол. Бұл жақта аса бір көп көлік нөпірі байқалмайды. Ресей жағында тұрғын көлік саны аз дейді шекарадан өтіп жатқан азаматтар.
АНАТОЛИЙ, Ресей Федерациясының азаматы:
- Я вот на границу третьи подъехал. И пока там проверяли еще пару машин не больше.
Көрші елден көлігімен өтіп жатқандардың көбі жас азаматтар. Олар мобилизациядан қашпағанын, тек Қазақстандағы туысқандарына бірнеше күнге қонақтап келгендерін айтады. Дегенмен, Ресейден ұшақпен де көбі кетіп жатқанын растады. Ал Ресейдегі қазіргі жағдайға байланысты халықтың пікірі екіге бөлінеді дейді келушілер.
ВЛАДИМИР, Ресей Федерациясының азаматы:
- Говорят что билеты кончились. Что вчера много кто улетел в Ереван, Стамбул, Минск. Я считаю, что это не наша война. И мы в ней не должны участвовать. И таких как я примерно 50 процентов. А остальные 50 за.
АНТОН, Ресей Федерациясының азаматы:
- Нужно все дипломатическим путем все решать. А не приминять силу.
Көпшілік Қазақстан аумағына мыңдаған Ресей азаматы кірді дегенмен, ресми органдар келушілер саны туралы нақты ақпарат бермеді.
Бізді әлеуметтік желіде оқыңыздар:
KZfaq - / @informburo31kanal
Facebook - / informburo31
Instagram - / informburo31
Vkontakte - informburo31
TikTok - www.tiktok.com/@informburo31
WhatsApp Информбюро +7 777 331 31 31