Рет қаралды 70
2024 жылғы 10 маусым күні Шығыс Қазақстан Өнер музейінде ШҚО мәдениет басқармасының облыстық филармониясымен бірлесе отырып мүмкіндіктері шектеулі жандар арасындағы «Шексіз шығармашылық» атты фестиваль өткізді. Фестивальге қолөнер шеберлері, суретшілер, әншілер және басқа да өнерпаздар қатысты. Мәдениет басқармасының басшысы Н.Ахметжанов қатысушыларға сәттілік тілеп, фестивальдің мәдениет саласының қызметкерлері мен мүмкіндіктері шектеулі жандар арасындағы қарым-қатынасты нығайту, аталған санаттағы жандардың шығармашылық қабілетін, әлеуметтік белсенділігін дамыту, өмірге деген құштарлығын арттыру мақсатында ұйымдастырылып отырғанын жеткізді.
Фестиваль соңында қатысушылар арнайы алғыс хаттармен марапатталып, қалың көпшіліктің ыстық ықыласына бөленді.