Еуропалық одаққа мүше мемлекеттердің елшілері аймақтың туристік әлеуетімен танысты. Қорқыт ата мемориалдық кешенінде болып, одан соң Арал теңізінің құрғаған табанындағы фитоорман мелиорациялық жұмыстарды көрді. Делегация мүшелерінің Сыр өңіріне сапарын әріптесім Елдос Асан сабақтайды.
Сыр елі тарихты ішіне бүккен көне қалалар, тәу ететін киелі орындар мен тарихи-мәдени ескерткіштерге бай. Туристер үшін олардың қай-қайсысының да маңызы ерекше. Соның бірі - бүкіл түркі әлеміне әйгілі Қорқыт ата мемориалдық кешені. Тарихи орын - өңір экономикасының өсіп-өркендеуіне үлес қосып келеді. Яғни, киелі мекенге әлемнің түкпір-түкпірінен туристер келіп тұрады. Еуропалық одаққа мүше мемлекеттер елшілері алдымен қобыздың үні сарнаған Қорқыт ата кесенесіне барды.
ИРИНА МАНГУЛЕ - ЛАТВИЯ РЕСПУБЛИКАСЫНЫҢ ЕЛШІСІ // Туризмді кез келген жерде дамытуға болады. Сіздердің потенциалдарыңыз жоғары. Алдымен жол мәселесін шешу керек. Аялдайтын жерлер болса тіпті керемет болар еді. Жыл көлемінде түрлі танымдық бағдарламалар жасауға болады. Бастысы, кімге не көрсету керегін табу керек секілді. Еуропада қазір дәстүрлі емес туризм жақсы дамып келеді. Шетелдік туристер, мысалы менің қатарластарыма осынша шақырымды еңсеру қиын әрі қорқынышты болуы мүмкін. Сондықтан көлік, қызмет көрсету сапасын көтеру керек деп ойлаймын. Ерекшелігін тапсаңыздар саяхатшылардан аяқ ала алмайсыздар деген сенімдемін.
КЭТИ ЛИЧ - ҰЛЫБРИТАНИЯ ЕЛШІСІ // Қызылорда өңіріне келгенімізге өте қуаныштымыз. Басты мақсатымыз Қызылорда облысының тарихы мен мәдениетімен, өткенімен және болашағымен танысу. Бұл бизнес адамдары мен туристерді тартуға өз септігін тигізеді.
Еуропалық одаққа мүше мемлекеттердің елшілері одан соң айдынды Арал топырағына табан тіреді. Делегация мүшелерін күтіп алған өнерпаздар жиылған жұртқа ән-күйден тарту жасады. Арал жұртының негізгі тіршілігі балық шаруашылығын қойылым арқылы жеткізіп, балықтан дайындалған ас ұсынды. Ал, балалар болса қонақтармен асық ойнап, ұлттық ойынның көркін қыздырды.
Қонақтар мұнан соң, «Әбдіжәміл Нұрпейісов» атындағы әдебиет үйімен танысып, балық өңдеу зауытына барды. «Балықшылар» мұражайына көрді. Онда 1700-ден аса экспонат бар. Келушілер музейдің «Балықшылар» және «Кеме¬лер» деп аталатын екі бөлігімен танысып, тартылған теңіздің тарихына бойлады. Себебі, Аралдың экологиялық ахуалы адамзатты алаңдатып отыр. Теңіз табанынан көтерілген шаң мен улы тұз әлемді әбігерге салуда. Сондықтан, тозаңды тоқтату мақсатында теңіздің құрғанан ұлтанына сексеуіл егу жұмыстары қолға алынған. Бұл жобаны одан әрі жалғастыру үшін жауаптылар еуродаққа мүше мемлекеттерден қаржы тартуды көздейді.
АРДАҚ ЗЕБЕШЕВ - ОБЛЫС ӘКІМІНІҢ ОРЫНБАСАРЫ // Кіші Арал теңізі, Үлкен арал теңізі соны сумен, су мәселесін, климаттық, экологиялық мәселелер жағынан қарап, еуродақ қандай көмек көрсете алатынын соған келіп отыр. Бізбен бірге бір шетелдік компания келді. Олар осында құмға қандай ағаш немесе ауылшаруашылыққа жарамды нәрселерді егіп, құм тереторияларын қайтып экономикалық айналымға енгізуге, пайда әкелетіндей жұмыстарды жүргізу үшін әкелдік. Қазір сол әртүрлі салаларда еуродақ елшілерімен әрмен қарай жұмыс жасайтын боламыз. //
Осыдан соң делгация «Көкарал» бөгетіне барып, Кіші Арал теңізінің жағдайымен танысты. Сондай-ақ, Арал теңізінің құрғаған ұлтанына табан тіреп, сексеуіл егу жұмыстарымен танысты.
ЕЛДОС АСАН - ТІЛШІ //Бұл жабық тамыр жүйесіндегі сексеуіл көшеттерін өсіруге арналған тұқымбақ. Мұнда теңіз ұлтанындағы топырақ пен малдың қиын араластырып тыңайтқыш жасалған. Оны мына қалталарға салып, өткен жылдық қазан-қараша айында сексеуіл дәнін сепкен. Жақын күндері бүршік атып, қыркүйек айында көшетке айналады деп күтілуде. Мамандардың сөзінде, себілген дәндер 100 пайыз көктейді екен.//
Еуропалық одаққа мүше мемлекеттердің елшілері теңіздің құрғанаған ұлтанына көшет отырғызып, жұмысшыларға қолғабыс етті.
Сайт - qyzylordatv.kz/ru/live
Facebook - / qyzylordatv
Instagram - / qyzylordatv
Telegram - t.me/qyzylords_tv
Tiktok - / qyzylorda_tv