БІЗДІҢ KZfaq АРНАҒА ТІРКЕЛІҢІЗ: www.youtube.com/@informburo31...
---------------------------------------------
Еліміздің бірнеше өңірінде жылқылар қырылып жатыр. Әсіресе Ақмола, Қарағанды және Павлодар облыстарында жағдай ушығып барады. Ауылдарда жем-шөп таусылып, мұзға айналған далада Қамбар ата түлігі тебіндей алмай қиналуда. Ауылдағы ағайын дабыл қағып, биліктен көмек сұрады. Өйткені жайылымды қалың қар басқандықтан аман қалған бірнеше басты үйге жеткізу де оңайға соқпай тұр. Бұл мәселені мәжілісмендер де көтеріп, жағдайды реттеу керек дейді.
---------------------------------------------
Теңдессіз жобамызға көз салыңыз: • Информбюро 14.02.2024 ...
Павлодар облысының Ақтоғай, Ертіс, Железин аудандары мен Екібастұзға қарасты Ақкөл ауылында табындағы жылқы тебіндей алмай, әлсіреп әр жерде құлап жатыр. Қырдағы ауылдарда да жағдай мәз емес. Көк мұзда тұяғы кетіп жатқан Қамбар ата түлігінде есеп жоқ. Ауылдағы ағайын амалдың жоқтығынан аман қалған малын қораға қамап жатыр. Жұрт енді шөп іздеуге көшкен. Күзде мал азығын таба алмай қиналған жұрт қыста тіптен қиын екенін айтады. Елдімекен жұрты табынды қырып алмай ауылға әкелу үшін бұрын-соңды қолданылмаған әдіс ойлап тауыпты. Жылқыны арнайы техниканың көмегімен көтеріп, тіркемеге артып жатыр.
Ал, жергілікті билік өкілдері тұрғындардың байбалам салуы негізсіз деп отыр. Олар жылқының жаппай қырылып жатқанын жоққа шығарды. Әр ауданда 2-3 бастың өлуі қалыпты жағдай дейді. Жем-шөп те жеткілікті екенін алға тартады.
ҚАЙЫРБОЛАТ БАЙСАРИНОВ, Павлодар облыстық ауыл шаруашылығы басқармасының бөлім басшысы:
- Өңірде тұрақтандыру қоры бар. Қазір онда 5 мың астық сақталған. Осындай жағдайда келісі 67-69 теңгеден сатылады. Екібастұз қаласына қарасты Ақкөл ауылы 30 тоннаға тапсырыс берді. Қалған аудандар жағдайдың тұрақты екенін айтады. Жағдайды бақылауда ұстап отырмыз, арнайы штаб құрылды.
Бүгін мәжіліс мінберінде осы мәселені депутат Нұржан Әшімбетов көтеріп, мал басын сақтап қалу үшін ауыл халқына көмек беру керектігін айтты. Сондықтан жергілікті аумақта тез арада төтенше жағдай жариялауды ұсынды.
НҰРЖАН ӘШІМБЕТОВ, ҚР Парламенті Мәжілісінің депутаты:
- Қалыптасқан жағдайға байланысты тез арада шаруашылықтардың жағдайы мен малдың барлық түрлері бойынша шынайы ақпаратты нақтылау керек. Екіншіден, қажет болған жағдайда жергілікті аумақ бойынша Төтенше жағдай жариялау.
Сондай-ақ, ауыл шаруашылығы министрлігі ауыл-аймаққа мал азығын жеткізу мәселесін қарастырып, мұзды ойып, қарды аршу жұмыстарын ұйымдастыруы қажет дейді депутат. Ал, синоптиктер алдағы күндері еліміздің солтүстік, солтүстік-батысы және орталығында ауа-райы минус 38 градусқа дейін суытып, қар аралас жаңбырдың соңы көктайғақ болады деп болжап отыр.
---------------------------------------------
Біз барлық әлеуметтік желідеміз, тіркеліңіз:
Информбюро 31 / @informburo31kanal
Informburo kz / @informburokz2022
Facebook - / informburo31
Instagram - / informburo31
WhatApp - whatsapp.com/channel/0029VaDm...
TikTok - www.tiktok.com/@informburo31?...
Біздің сайт: www.31.kz және www.informburo.kz
#Информбюро #31арна #БастыЖаңалықтар #АқиқатынАйтайық