БІЗДІҢ KZfaq АРНАҒА ТІРКЕЛІҢІЗ: / @informburo31kanal
---------------------------------------------
Елімізде баспа саласына құйылатын инвестиция көлемі жыл сайын азайып барады. Мәселен, соңғы үш айда осы салаға кәсіпкерлер 13 миллион теңге қаражат құйған екен. Оның ішінде кітап шығаруға 7 миллионнан астам теңге, басылымдарға 6 миллионға жуық қаржы бөлінген. Бұл былтырғы жылғы осы мерзіммен салыстырғанда 39 пайызға төмен. Инвестиция Алматы мен Астана қалалары, Жетісу, Қарағанды, Солтүстік Қазақстан облыстарына тартылған. Бұл салаға мемлекет қолдау көрсете ме? Баспа иелерін қандай мәселе мазалайды? Әріптесім Руслан Жасұланұлы тақырыпты зерттеп көрді.
---------------------------------------------
Теңдессіз жобамызға көз салыңыз: • Сөздің шыны керек: [жу...
Бишімбаев ісі - • Бишімбаев ісі
Су тасқыны бойынша барлық ақпарат - • Су тасқыны // Төтенше ...
Жұмбақ өлімдер - • Жұмбақ өлім
Бүгінгі шығарылымда:
Алматыдағы Алқа баспасы қыз-келіншектерге арналған оқулықтар мен әдеби көркем туындыны шығарады. Мұндағы мамандар соңғы жылдары әлемдегі геосаяси жағдай баспа саласына да біраз ауыртпалық тигізгенін айтады. Өйткені басқаны қойғанда қағаздың өзі көрші Ресейден не Еуропа елдерінен әкелінеді. Ал салаға инвестиция тартайын десе, қаржы құю тиімсіз.
БАЯН ХАСАНОВА, ALQA PUBLISHING контент үйінің бас редакторы:
- Мысалы баспаларда бір кітап қазақ және орыс тілінде тұрса көбі орыс тіліндегі кітапты таңдайды. Яғни, қазақ тіліндегі кітаптарға әлі де сұраныс жоқ. Яғни, Ресейден келетін кітаптар нарықты жаулап алған. Ал олар үлкен тиражбен шығарған соң оның өзіндік құны да арзан болады. 2 мың, 3 мың данамен шығаратын бізге бір кітаптың құны екі есе қымбатқа түседі. Сол үшін Ресейден келетін орыс тіліндегі кітаптардың сатылымына лимит қою керек шығар.
Қазір көпшілік арасында кітап оқуға қызығушылықтың төмендеуі де баспа саласының дамуына тұсау болып тұр. Мамандар көркем әдебиетті сатып алу түгілі кітапханаға барып кітап оқитындардың қатары аз деп отыр. Бұны тұрғындардың өздері де мойындайды. Ересектер жағы жұмыстан қол босамайтынын айтса, жастар әлеуметтік желілерде уақыт өткізгенді қалайды.
Ал Мәдениет және ақпарат министрлігі еліміздегі баспа саласын нарық реттеуі тиіс дейді. Бірақ баспагерлер мен жазушыларды ынталандыру мақсатында түрлі байқаулар ұйымдастырылатынын айтады. Сондай-ақ мемлекет қоғамдық маңызы бар әдебиеттерді басып шығару бойынша ғана қолдау көрсете алады екен.
АЛМАЗ МЫРЗАХМЕТ, ҚР Архив, құжаттама және кітап ісі комитеті кітап ісі басқармасының басшысы:
Баспалардың проблемасын өзіміз де біліп отырмыз. Мысалы әлемдегі жағдайға байланысты қағаз мәселесі, өндіріс мәселесі белгілі қиындықтарға тап болып жатыр. Біз енді өз тарапымыздан өзіміздің қолымыздағы бағдарламалар аясында баспалардың төлейтін қаражат лимитін көтеру мақсатында жұмыстар жасалып жатыр.
Яғни, баспагерлер заман талабына сай жылжып, сұранысқа ие кітаптарды шығарумен айналысу керек дейді жауапты комитеттің өкілдері. Ең бастысы азаматтардың кітап оқу мәдениетін арттыру үшін бірлесе жұмыс істеу керек екенін айтады. Баспа саласына құйылатын инвестиция көлемі де соңғы үш айда күрт азайған. Мәселен, қаңтардан наурызға дейін кәсіпкерлер бар-жоғы 13 миллион теңге қаражат құйған. Оның ішінде кітап шығаруға 7 миллионнан астам теңге, басылымдарға 6 миллионға жуық қаржы бөлінген.
---------------------------------------------
Біз барлық әлеуметтік желідеміз, тіркеліңіз:
Бізді әлеуметтік желіде оқыңыздар:
Информбюро 31 / @informburo31kanal
Informburo kz / @informburokz2022
Facebook - / informburo31
Instagram - / informburo31
WhatApp - whatsapp.com/channel/0029VaDm...
TikTok - www.tiktok.com/@informburo31?...
Біздің сайт: www.31.kz және www.informburo.kz
#Информбюро #31арна #БастыЖаңалықтар #АқиқатынАйтайық