БІЗДІҢ KZfaq АРНАҒА ТІРКЕЛІҢІЗ: www.youtube.com/@informburo31...
---------------------------------------------
Елімізге көшіп келуге ниеттенген қандастарға талап күшейді. Олар қазақтың тілі мен тарихын білуі шарт. Мәжіліс отырысында депутаттар көші-қон заңын жетілдіру мақсатында бірқатар өзгерістер енгізіп, сенатқа жолдады. Аталған заң жобасында қандас мәртебесін алуды жеңілдету қарастырылған. Яғни, ата жұртқа келген жандарды қабылдаудың өңірлік квотасына этникалық қазақтардың жеке отбасы мүшелері, қандастардың жесірлері және олардың ортақ балалары кіреді. Мәжіліс депутаты Жарқынбек Амантайұлының айтуынша, қазір әлемдегі геосаяси ахуалға байланысты Қазақстанға қоныс аударушылар саны артқан. Көш басында Ресей, Моңғолия, Қытай, Ауғанстан, Пәкістан мен Ираннан келгендер тұр. Бұл құжатта кәмелетке толмағандарға қарсы жыныстық қылмыс жасағаны үшін сотталған шетелдіктер, сондай-ақ экстремистік немесе террористік әрекетке қатысы бар өзге ел азаматтарына Қазақстанға кіруін шектеу қою да көзделген.
---------------------------------------------
Теңдессіз жобамызға көз салыңыз: • Информбюро 14.02.2024 ...
ЖАРҚЫНБЕК АМАНТАЙҰЛЫ, ҚР Парламенті Мәжілісінің депутаты:
- Келуші азаматтарға талаптар қойып жатырмыз. Ол мемлекеттік тілді, қазақ тілін қарапайым деңгейде білу. Ата заңымыз Конституцияның негіздерін білу. Сол секілді Қазақстан тарихынан хабардар болу. Одан бөлек елімізге шетелдегі террористік, экстремистік ұйымдарға қатысы бар адамдардың кіруіне тыйым салынып отыр. Кәмелеттік жасқа толмаған балаларға қарсы жыныстық сипаттағы қылмыс жасаған, былайша айтқанда педофильдерге елімізге кіруге болмайды.
Сондай-ақ, заңда жұмыс күші жетіспейтін өңірлерге ерікті түрде көшіп барған азаматтарға әр түрлі мемлекеттік субсидиялар мен квоталар қарастырылған. Банк қарыздары, басқа да қаржы ұйымдары алдындағы міндеттемелер бойынша да жеңілдіктер бар. Сонымен қатар енді заң аясында көшіп-қонушыларға Үкімет айқындаған өңірлерден ауыл шаруашылығы мақсатындағы жер телімдері беріледі. Олар жерді бес жылға жалға алады. Бірақ жерді сатып немесе біреудің пайдалануына беруге болмайды. Жаңа ереже күшіне енген соң қоныс аударған отбасылар жылжымайтын мүлікті белгілі бір мерзімге және иеліктен шығару құқығынсыз пайдалана алады.
---------------------------------------------
Біз барлық әлеуметтік желідеміз, тіркеліңіз:
Информбюро 31 / @informburo31kanal
Informburo kz / @informburokz2022
Facebook - / informburo31
Instagram - / informburo31
WhatApp - whatsapp.com/channel/0029VaDm...
TikTok - www.tiktok.com/@informburo31?...
Біздің сайт: www.31.kz және www.informburo.kz
#Информбюро #31арна #БастыЖаңалықтар #АқиқатынАйтайық