Biografik janr film quruluşunun yeni formatıdır. Təqdim olunan quruluş mühüm həyati məlumatları bir sırada cəmləməyə, geniş əhatə dairəsində mühüm məlumatları təqdim etməyə imkan verir. Bu film bir alim haqqındadır. Professor Əşrəf Balamətov Azərbaycanın energetika sisteminə böyük bəhrələr vermiş, elmi nəticələri dünyada qəbul olunmuş bir alim haqqında. Bu gün yaşı 77-ni ötsə də, o, hər gün fərəhlə işə gelir, elmi axtarışlarını davam etdirir.
#AvtobiografiyaFilmi #NəsilAgacı #SturviDOC
Professor. Ə. Balamətov 380 elmi məqalənin, o cümlədən WOS (vöbofsayns) və Scopus (skoopus) elmiometrik məlumat bazalarına daxil edilmiş 30-a yaxın elmi məqalənin, həmşinin 7 monoqrafiyanın, 12 ixtiranın, 4 patentin, 8 müəlliflik şahadətnaməsinin müəllifi, 110 elmi-tədqiqat hesabatının elmi rəhbəri olmuşdur.
Professor Balamətovun elmi rəhbərliyi altında 12 namizədlik və bir doktorluq dissertasiyası müdafiə edilmişdir. Hazırda 4 nəfər Elmlər doktoru 2 nəfər Fəlsəfə doktoru üzrə Doktorantların Rəhbəridir.
Ə.B.Balamətovun rəhbərlik etdiyi elmi istiqamətin əməkdaşları, institut kollektivi, respublika ictimaiyyəti ilə və Rusiya Federasiyasının, Ukraynanın, Moldovanın alimləri ilə əlaqələri var və onlar arasında hörmət və nüfuza malikdir.
Bu alimin uğurları bu dağ zirvələri silsiləsi ilə çox uzlaşır. Əşrəf müəlimin doğma kəndindən görünən dağ zirvələri ilə... Şübhəsiz, balaca Əşref hər başını qaldıranda bu dagları görüb, qəlbi bu dağların nəzərləri altında formalaşıb. Şübhəsiz, onun həyatına məhz bu mahiyyətdə baxılarsa mühüm məqamlar aydınlaşar.
Əşrəf m-in uğurları ilk növbədə onun keçdiyi həyat yolundan, aldığı təhsildən qaqynaqlanır. Bu təhsil yalnız kənd məktəbinin verdiyi bilgilər yox, həm də ictimai-sosial mühütün aşıladığı dəyərlərdən irəli gəlirdi. Bu dərərlər onun həyat yolunu formalaşdırdı. Bu yolu o, aram-aram, atasının iş yerindən başlayıb, ustad alimlərlə təmasa kimi hər bir imkandan faydalanaraq formalaşdırıb.
Azərbaycan Elmi-Tədqiqat Energetika İnstitutunda kiçik elmi işçi, böyük elmi işçi, şöbə müdiri, avtomatlaşdırılmış idarəetmə sistemləri üzrə direktor müavini vəzifələrində çalışmışdır.
2006-cı ildən Azərbaycan Elmi-Tədqiqat və Layihə-Axtarış Energetika İnstitutunun Tədris mərkəzində “Azərenerji”ASC-nin işçi personalına ixtisasartırma kursları üzrə mühazirələr aparır.
Mühüm məqamdır ki, elmin uğurları onu nə kökündən, nə də həyat amalından uzaqlaşdırmadı. Əksinə, o yüksəldikcə, daha da dağlarla təmasa can atdı. Hər kəsin şəhərlərə qaçdığı, dəniz sahilinə can atdığı bir dövrdə, onillər boyu arzusunda olduğu istirahət evini dogma kəndində, əzəmətli dağlar silsiləsinin qarşısında tikdi. O, həyatın mənasını daha dərindən duyan bir insan kimi, öz dayaqlarını doğma torpağa bağladı.
Bir də, xalqın adətlərinin mənası, onlara olan ehtiyac onun nə canını, nə ruhunu heç vaxt tərk etmədi. Əksinə, onun həyatdan zövq almasının, insani qüdrətin əsası oldu.
Əşrəf Balamətovun tərcümeyi halından
1947-ci ildə 1944-cü il dekabr ayının 24-də Qusar rayonunun Əcəxür kəndində anadan olub. Atası Balamət Balamətov respublika miqyasında tanınmış təsərrüfat rəhbərlərindən biri idi.
O, oğlunun həyat amalı kimi energetikanı müəyyənləşdirdi və 7-ci sinfi bitirəndən sonra Bakı Energetika Texnikumunda təhsilə başlamasını təmin etdi.
Bu sənət Əşrəfin həyat amalı, uğun mənbəyi oldu.
Rzayeva Gülnarə Sadulla qızı ilə ailə qurdu. Bakı şəhərində məskən saldı.
2 övladı, 5 nəvəsi var.
Əşrəf müəllimin atası Balamətin adı bütün rayonda bu gün də dillər əzbəridir. O, Əçəxür kəndinə Yuxarı Tahirjal kəndindən gəımiş, uzun illər yeddi kəndi əhadə edən bir ərazinin yüzbaşısı olmuş Balacanın oğlu idi. Balamətin anası Səlmi isə, Əçəxür kəndinin ən seçələn ailələrdən birinin qızı olub. Səlminin ağlı və səxavətini tanıyanlar bu gün də ondan ağız dolusu danışırlar.
Əşrəfin anası Saimat Ovçixan qızı tanınmış, işgüzar və qədim tarixi olan bir nəsin nümayəndəsi idi və ailənin ənənələrini layiqincə davam etdirən qadın olub.
Şübhəsiz, bütün bunlar Əşrəfin bir alim, sonradan isə həm də bir ağsaqqal kimi formalaşmasında mühüm rol oynayıb və inkişaf potensialının mahiyyət daşıyıcısıdır.
Kulminasiyaya doğru:
Bütün dostları əmindirlər ki, Əşrəf müəllimin gücünın, qüdrətinin mənbəyi onun ailəsindən, xüsusilə valideynlərindən aldığı potensialındandır. O potensial ki, ucqar dağ kəndində min illər boyu formalaşıb və bu gün həyat eşqinin əsasını təşkil edir. Şübhəsiz, Əşrəf müəllim müdrük adamdır. Çünki, o, bu potensialı müasir elmdə şəhər şəraitinə uyğunlaşdıra bilib.
Əşrəf Balamətov həm də aktiv ictimai fəaliyyətlə məşğuldur. Samur Ləzgi Milli Mərkəzi cəmiyyətinin üzvüdür. 2017-ci ildə əldə etdiyi nailiyyətlərə görə Dağıstan respublikası milli siyasət Nazirliyinin “Xalqlar” arasında dostluğa görə” Fəxri fərmanı ilə təltif olunmuşdur.