#НартайАралбайұлы #NartayNews #НартайНьюс #nartaynews #Еңбекадамы
🔹Спикер: Садық Байымбетов - спорт жаттықтырушысы.
Ассалаумағалейкум ардақты ағайын. «Баба бүркіт барлап ұшады, Бала бүркіт парлап ұшады» дейді қазақ. Осыдан ақ үлкен мен кішінің ауқымын айтпай ақ аңғартқан атам қазақ. Баба бүркіт көк аспанды жерді шолып жүріп қажетін іліп түседі деп топшыласақ, ал бала бүркіттің бүгіні мен ертеңі елді елеңдетпей қоймайтыны анық. Сол балаларды балапан кезінен баулу туралы сөз болғанда қазір Садық Байымбетовтың есімі ел ішінде бірінші аталады. Садықтың саптың алдында аталуының бірнеше себебі бар, соның бірі де бірегейі оның ерекше балалармен жұмыс істейтіні. Иә, кей адамдар мүмкіндігі шектеулі деп шектейтін балапандарды Садық сайыпқыран қылып баптауға бейіл. Оның жаттығу залына алғаш барғанымда, балалардың талпынысын көргенде жанарымды жас шылағанын несіне жасырайын. Ал Садық күнде сол ұл қыздарды аяққа тұрғызу үшін жанын салады. Оның жаттығу залындағы балаларға қарата мүмкіндігі шектеулі деген сөзді қолданатындардың өздерінің мүмкіндігі шектеулі деп едім алғашында. Себебі қазір Садық төрт жүз баланы жаттықтырып жүр. Алты жыл бұрын алғаш ашқан залын қазір Қазақстанның бес қаласында қызмет етіп тұр, сұраныс өте көп. Бірақ мұндағы басты ерекшелік ерекше балаларға арналған арнайы методикада. Балаларды аурухана пен дәріге байлап берместен олардың жан дүниесіне үңіліп, жүре алмай келген баланы аяққа тұрғызып жібереді Садық. Дәлел десеңіз мысал жетіп жатыр. Садық Байымбетовтың жаттығу залынан шыққан балалардың алды қазір әлем чемпионы. Ол туралы таңды таңға ұрып айтуға болады, бірақ бір рет көрген дұрыс.
Садық Байымбетовтың жаттығу залына алғаш барғанда балаларға қатаң ескерту жасайтынына, қатал талап қоятынына таң қалдым. Біртүрлі болып қалдым, Рас. Себебі біз ерекше баланы көрсек жанарға жас алып, кейде айналып толғанумен шектелеміз. Садық олай етпейді, себебін өзі де айтты. «Бұл балаларды бәрі аяйды, қоғамнан оқшаулап, бөлектеп тастайды. Ол дұрыс емес, бұл балаларда тұлға, сондықтан он екі мүшесі сау спортшы балаға қандай талап қойсам, бұл балаларға да тура сондай талап қоямын. Сонда ғана балалар өздерін бәрімен тең сезінеді» деді Садық алғаш тілдескенде. Расында солай. Ерекше баламын деп жаттығу залында жата кеткен ешкімді көрмейсіз, бәрі спортпен шұғылданып, жаттықтырушылардың айтқанын екі етпей орындайды. Қазақтың «Тұлпар - құлыннан, Батыр- баладан шығады» дегені сол шығар. Себебі Садықтың спорт залындағы әр бала қазірдің өзінде жеңімпаз.
Садық Байымбетов методикасының ерекшелігі алыс жақын шетелді аралап кетті. Қазірдің өзінде Түркия, Франция, Әзірбайжан елдері біздің жаттықтырушыны аттай қалап шақырып отыр. Садық саудаласпайды бірақ, ол елдерден тек бөлімше ашпақ, сөйтіп қазақ баласы ойлап тапқан тың методика адамзат баласына ортақ қазынаға айналмақ. Садыққа сәттілік, ал оның залындағы чемпиондарға тек жақсылық тілеймін мен. Олардың бәрі жеңімпаз. Уақытыңыз болса Садық Байымбетовтың жаттығу залына барып шығыңыз, сол кезде көп нәрсені түсінесіз, маған сеніңіз.
“Еңбек адамы" елеусіз қалмасын! Биыл біз тұтас фильмдер сериясын жасауға бел будық. Басты қолдаушымыз AMANAT партиясы. Кейіпкерлеріміз қарапайым қызметкерлер, бірақ үлкен жүректі, еңбекқор, өмірге құштар адал адамдар. Бұған дейін экрандардан тек өнерпаздар мен шенеуніктерді көретін едік. Бұл дұрыс болмады, олқылықтың орнын толтыру керек. Біз соны мойнымызға алдық. Бұйыртса 40 фильм жарыққа шығады. Көріңіздер!
Интаграм: nartay_aralbayu...
Фейсбук: / nartai.sarsengaliyev