Жұмыстан босатқан басынан сипағанмен бірдей қылмыстық жауакершілікке тарту

Бес алты депутат шындыкты аитып шырылдаит .осыларды калтырып. калгандарын таратып жиберу керекои.

Табиғатпен қарым-қатынастың жаңа концепциясы керек Биылғы жылғы көктемгі тасқын су (қарғын су, қызыл су) өзен жағалауларындағы елге ауыр тиді. Біреу Құдайға, біреу үкіметке, біреу әкімге өкпелі, қарғап жатқаны да бар. Қазақта «Құдай сараң емес, сақтай алмайтын жаман емес» деген сөз бар. Мәшһүр «Не болса да пенденің өз пейілінен болады» дейді. Тарихшы мамандығының бір ерекшелігі- себеп іздеу (cause), яғни қандай бір оқиғаның түпкі себебі болады, ешқандай оқиға өзінен өзі болмайды. Тасқын судың, оның жеке үйлерді, елдімекендерді басып қалуының, осыған байланысты шығынның негізгі себебі біздің табиғатпен санасуды қойғанымыз. Бұл Совет үкіметі тұсында орныққан жабайы марксизм әсерімен пайда болған табиғатты күшпен бағындырамыз дейтін Мичуриндік, Лысенковтық көзқарастар. Біз осы қалыптасқан догмалармен әлі де өмір сүріп келеміз, мұны басқа-басқа Астананың өзіндегі Талдысай тағдырынан т.б. жүздеген-мыңдаған мысалдардан көруге болады. Техниканың күшімен Хан щатыры маңындағы, Жағалаудағы көлшіктердің бәрі бітелді, үстіне зәулім үйлер салынды. Ол су ешқайда кеткен жоқ, күндердің күні қайта шығады, шыққанда да қапыда шығады, сізді ініне су кірген тышқандай қылады. Бүгінгі күнге дейін мен табиғатты жеңген өркениетті көрген жоқпын. Біздің ата-бабамыз су тасқындарына қуанатын, себебі су жайылмасы деген мал баққан елге қазына есепті. Ол қыс бойы мал жайылатын жайылым, шауып алсаңыз қыстың алты айына жететін азық. Жер бетіндегі өзендердің бәрінің де сол жағалауы «жайылма». Бұл жерлерге не үй -жай, не шаруашылық құрылыс салынбайды, көктемде жайылмадан кейін шөп жетілгенше арнайы күзетеді. Сіз Совет заманында жайылманы басып-жаншып, мекен қылып алдыңыз, енді соның зардабын көресіз. Ел басшылары елдімекендерді қайтадан жөндеуге каржы бөлеміз деп жатыр. Жоқ, қаржыны ерте заманда қыстау болған жерлерге ауыл-қала салуға, елді сол жерге көшіруге бөліңіз. Көбінесе тау бөктеріне, шоқы-төбелердің ығына орналасқан қазақ қыстауларының сонау сақ заманына, қола дәуіріне кететін мыңдаған жылдық тарихы бар. Екіншіден, дала өзендерін бөгегенді қойыңыз, біз мұхит жағасында отырған ел емеспіз. Бөгет салдыңыз - өзенді өлтіруге әрекет қылдыңыз. Біздің дала өзендері шағын өзендер, бөгет салған соң ағыны тоқтайды, одан кейін түбі лайланады, одан кейін көздері бітеледі. Бірақ өзен ағзасы одан өлмейді, тұншығып өзінің кек алатын кезегін тосып жатады. Қазақ оны «дүние -кезек» деп атайды. Сіз өзіңізге керек суды арық қазып, не шығырмен көтеріп, не қарабура қойып тоғанға бөліп алыңыз, шұңқырларға қар жинаңыз. Біздің ата-бабаларымыз мыңдаған жылдар бойы өзен бойларында мекен етті, мал өсірді, егін салды, бірақ ешқашан оны бөгеген жоқ. Жалпы табиғаттың ісіне араласа бермеңіз, қайта оған бейімделіңіз, одан қорқыңыз, оны құдірет көріңіз. Топан су басу оқиғасын, Помпея трагедиясын т.б. естен шығармаңыз. *** Табиғатпен қарым-қатынастың жаңа концепция жасалуы керек. Мен осындай жұмыс тобы құрылса өз қолымдағы тарихи-этнографиялық деректерді беруге, ақыл қосуға дайынмын. Проф. Ж.О.Артықбаев *суреттер А.Левшин (1832 ж.), Л.Мейер (1864 ж.) кітаптарынан алын

Өзеннің, әсіресе далалық өзек - сайлардың алдын бөгеуге болмайды. Табиғат қиянатты кешірмейді, ең өкініштісі бейкүнә пенделер зардап шегеді. "Қызылағаш" апатын еске алайық. Біздің Ырғыз ауданында "Ақши" бөгетінің шлюзін су тасып жатқанда 2022 ж. үш күн бойы жауып қойып арнамен су жібермеді. Кейін сол ауылдың үш баласы суға кетіп қаза болды. 2023 жылы "Құрылыс" ауылы тұсында өзен арнасына заңсыз бөгет салды. Екі бала сол жерде суға кетті. Көршілес Әйтеке би ауданында біздің қанша қарсы болғанымызға қарамастан "Талдысай" (Щербаков) бөгетін салды. 2024 жылы тасқын су бөгетті бұзып кетіп қаншама үйді су шайды. Мереке Жұбанияздың парақшасынан.

Жеқе меңшіққе берылген бөгеттермен каналдарды қайтарыңдар ұқіметтын қарауна,стратегический обьектер берылмесың жеке меншыққе!