БІЗДІҢ KZfaq АРНАҒА ТІРКЕЛІҢІЗ: / @informburo31kanal
---------------------------------------------
Енді жаңа туған сәбиді тастап кеткені туралы хабарламаған медициналық ұйымдар мен балалар үйінің қызметкерлері жауапқа тартылады. Яғни, олар жетім не ата-ана қамқорлығынсыз қалған баланы қабылдағандары жайлы құзырлы органдарға айтуға міндетті. Болмаса, айыппұл салынып, қамауға алынуы ықтимал. Әрі, құлдық пен жезөкшелік құрбандарына өтемақы төленуі мүмкін. Сондай-ақ, притон ұстау мен «жеңгетайлық» ауыр қылмыс қатарына жатқызылғалы отыр. Себебі, заңға «адам саудасымен байланысты қылмыстар» ұғымы енгізіліп, «кісіні қанау» түсінігі мейлінше кеңейтіледі.
Ішкі істер министрлігінің дерегінше, өткен жылы адам саудасына қатысты 93 қылмыстық іс тіркелген. Оның 67-і «жеңгетайлық», яғни сексуалдық сипаттағы ақылы қызметтерді ұсынатын притондар ұстау. Осы тұста заңға «адам саудасымен байланысты қылмыстар» ұғымы енгізілгелі отырғанын айта кеткеніміз жөн. Демек, енді притон ұстау ауыр қылмыс қатарына жатқызылады. Әрі «жеңгетайлық» қызметті «интернет желісі арқылы» жасау деген де саралау үлгісі пайда болады. Сәйкесінше, ол үшін де қылмыстық жауапкершілік қарастырылмақ. Соның арқасында «адамды қанау» түсінігі барынша кеңейтіледі.
Біз өте маңызды заңды әзірлеп, қабылдап отырмыз. Себебі, бұл әлемдегі ең өзекті мәселе.
МАРАТ БАШИМОВ ҚР ПАРЛАМЕНТІ МӘЖІЛІСІНІҢ ДЕПУТАТЫ
Қазір адам саудасының айналымы 270 миллиард долларға жеткен. Тіпті, есірткі бизнесінен асып түсіп отыр. Сұмдық қой. Бұл түсінікке құлдық та, ағза мүшелерінің саудасы да, қайыр сұрау, жезөкшелік те сияды. Яғни, адамның материалдық, психологиялық немесе өзге де тәуелділігін пайдалана отырып, қанау. Ол жұмыссыз, баспанасыз, не құжаты жоқ кісі болуы мүмкін. Сондықтан, «адам саудасының ықтимал құрбаны» деген жаңа ұғым енгізіліп отыр.
Сондай-ақ, былтыр адам сатуға байланысты 19 дерек анықталған. Сәйкесінше, әр фактіге қатысты қылмыстық іс қозғалып, басым бөлігі бойынша шешім шығарылған. Яғни, нәресте саудасы үшін шамамен 16-17 адам жаза арқалады деді ішкі істер министрінің орынбасары. Ал, қыздарды шетелдік притондарға сатқан 17 адам жауапқа тартылыпты. Жалпы, ведомство өкілі адам саудасына қатысты жаза әу бастан ақ қатаң екенін еске салды. Мәселен, сәбилер мен кәмелет жасына толмағандарды саудалағаны үшін қылмыскер 18 жылға сотталады.
МАРАТ ҚОЖАЕВ ҚР ІШКІ ІСТЕР МИНИСТРІНІҢ ОРЫНБАСАРЫ
Биыл бізде сәби саудасына қатысты үш дерек тіркеліп отыр. Бәрі дерлік Қазақстан аумағында болған. Ал, саудаға түскен сәбилердің бағасы 100 мың теңгеден бастап, 2 миллион теңгеге дейін барады.
Әрі, адам саудасына қарсы іс-қимыл органдарының әрекеттесу қағидаларын реттеу жоспарланып отыр. Ал, құлдық пен жезөкшелік құрбандарына қажетті көмек көрсетілуі үшін әлеуметтік арнаулы қызметтер ұсынылады. Сонымен қатар, оларға өтемақы төленуі де мүмкін. Бастысы, жаңа заң жобасына сәйкес адам саудасына байланысты қылмыстарға қатысушылардың татуласу мүмкіндігі жойылады.
Теңдессіз жобамызға көз салыңыз: • Сөздің шыны керек: [жу...
Бишімбаев ісі - • Бишімбаев ісі
Су тасқыны бойынша барлық ақпарат - • Су тасқыны // Төтенше ...
Жұмбақ өлімдер - • Жұмбақ өлім
Біз барлық әлеуметтік желідеміз, тіркеліңіз::
Информбюро 31 / @informburo31kanal
Informburo kz / @informburokz2022
Facebook - / informburo31
Instagram - / informburo31
WhatApp - whatsapp.com/channel/0029VaDm...
TikTok - www.tiktok.com/@informburo31?...
Біздің сайт: www.31.kz және www.informburo.kz
#Информбюро #31арна #БастыЖаңалықтар #АқиқатынАйтайық