😊😊😊😊

பிரத்தியேக அறிவை உருவாக்குவது என்பது உங்களுக்கு ஒரு விளையாட்டை போன்றும் மற்றவர்களுக்கு இது கடினமான ஒரு வேலை போன்றும் இருக்கும். பிரத்யேக அறிவை பள்ளிக்கூடங்கள் மூலம் கற்றுத்தர இயலாது. கற்றுத் தேர்ந்த ஒருவரிடம் இணைந்து செயலாற்றுவதன் மூலமாகவும் கவனித்து சுயமாக புரிந்து கொள்வதன் மூலமாக மட்டுமே கற்றுக் கொள்ள முடியும். பிரத்தியேக அறிவு நுட்பமானதாகவோ ஆக்கபூர்வமானதாகவோ இருக்கும் ஆதலால் இதை மற்றவர்களை வைத்து செய்வதென்பது இயலாத காரியம். பொறுப்புணர்ச்சியை வளர்த்துக் கொள்ளுங்கள், சுயமாக தொழில் ரீதியான சவால்களை சந்தியுங்கள். இந்த சமுதாயம் பொறுப்புடன் தொழில் ரீதியான பங்கையும் குறைந்த நேரத்தில் அதிக செயலை வெளிப்படுத்தும் திறனையும் உங்களுக்கு பரிசளிக்கும். "எனக்கு மிக நீண்ட ஒரு நெம்புகோலையும்[lever] நிற்பதற்கு சரியான ஒரு இடத்தையும் தாருங்கள் இந்த பூமியை நான் அசைத்துக் காட்டுகிறேன்" - ஆர்க்கிமிடிஸ். [Power of leverage] செல்வ வளத்தை உருவாக்க குறைவான நேரத்தில் அதிக செயலைச் செய்யும் திறன் [leverage] தேவைப்படுகிறது. மூலதனம் என்பது பணம். பணத்தை உருவாக்க உங்களுடைய பிரத்தியேக அறிவையும் பொறுப்புணர்ச்சியையும் ஒன்றிணைத்து நல்ல விளைவுகளை[result] முன்மாதிரியாக மக்களுக்கு காட்டுங்கள். குறைந்த நேரத்தில் அதிக செயலை வெளிப்படுத்தும் திறன்களில் முதலீடு மற்றும் வேலையாட்கள் ஆகியவை உள்ளடக்கமாகும். எல்லோரும் முதலீட்டை உருவாக்க ஓடிக் கொண்டிருக்கிறார்கள் ஆனால் அதை உங்களுக்கு வேறொருவர் கொடுக்க வேண்டும். எல்லோரும் தலைவனாக முயற்சிக்கிறார்கள் ஆனால் முதலில் உங்களை பின்பற்றக்கூடிய நபர்களை உருவாக்க வேண்டும் கோடிங் மற்றும் ஊடகம் இந்த இரண்டுமே ஆகச்சிறந்த கருவிகள் ஆகும். புதுப் பணக்காரர்களின் பின்னால் இருக்கும் மிகப்பெரிய கருவிகளும் இவைகளே. உங்களுக்காக வேலை செய்யும் மென்பொருளையும் ஊடகத்தையும் நீங்கள் உருவாக்கலாம் அது நீங்கள் தூங்கும் போதும் உங்களுக்கு சம்பாதித்துக் கொடுக்கும். இலவசமாக எக்கச்சக்கமாக உங்களுக்காக வேலை செய்யும் ரோபோக்கள் இருக்கின்றன அவற்றை பயன்படுத்திக் கொள்ளுங்கள். உங்களால் கோடிங் செய்ய இயலவில்லை என்றால் புத்தகங்களையோ வலைப்பூக்களையோ [blog] எழுதுங்கள் வீடியோக்களை ரெக்கார்ட் செய்யுங்கள் பாட்காஸ்ட்டுகளை உருவாக்குங்கள். உங்களுடைய முடிவுகளை பல மடங்காக அதிகரிக்கச் செய்யும் கருவிக்கு பெயர்தான் லிவரேஜ் [leverage= குறைந்த நேரத்தில் அதிக செயல்களை செய்யும் திறன்] சரியாக முடிவெடுக்க அனுபவம் தேவை ஆனால் அடிப்படை திறமைகளை வளர்த்துக் கொள்வதன் மூலம் சரியான முடிவுகளை வேகமாக எடுக்கலாம். நுண்பொருளியலையும் [microeconomics] ஆட்ட கோட்பாடுகளையும்[game therorey] உளவியல், உங்களுடைய கருத்தை மற்றவர்கள் ஏற்கச் செய்யும் தந்திரங்களையும்[persuasion] நீதி நெறிகளையும் கணிதம் மற்றும் கணினி சம்பந்தப்பட்ட விஷயங்களை கற்றுத் தேர்ச்சி அடையுங்கள். கேட்பதை விட படிப்பது வேகமானது; பார்ப்பதை விட செய்வது அதிவேகமானது. ஒரு மணி நேரத்திற்கு இவ்வளவு என்று உங்களுக்கு நீங்களே உங்கள் செயல் திறனுக்கான தொகையை முடிவு செய்து கொள்ளுங்கள்(personal hourley rate). நீங்கள் ஒரு பிரச்சனைக்கான தீர்வை செயல்படுத்தும் போது உங்களுடைய ஒரு மணி நேரத்திற்கான தொகையை விட குறைவான தொகையே கிடைக்கும் என்றால் அதைத் தவிர்த்து விடுங்கள். ஒரு செயலை மற்றவர்களை வைத்து செய்வதன் மூலம் அதற்கான தொகை உங்களுடைய ஒரு மணி நேரத்திற்கான தொகையை விட குறைவாக இருக்கும் பட்சத்தில் அந்த வேலையை மற்றவர்களை வைத்து செய்து விடுங்கள்(outsource). நீங்கள் யாரோடு சேர்ந்து வேலை செய்கிறீர்கள் எதில் வேலை செய்கிறீர்கள் என்பது முக்கியமாக இருந்தாலும் உங்களால் எவ்வளவு முடியுமோ அவ்வளவு கடினமாக உழையுங்கள். நீங்கள் எதைச் செய்கிறீர்களோ அதில் நீங்கள் தான் மிகச் சிறந்தவர் எனும் நிலை வரும் வரை நீங்கள் எதைச் செய்கிறீர்களோ அதை தொடர்ச்சியாக பட்டை தீட்டுங்கள். மிக வேகமாக பணக்காரனாவதற்கான வழி என்று ஒன்று இல்லவே இல்லை அப்படி ஒன்று இருக்கிறது என்றால் அது உங்களை வைத்து வேறொருவர் வேகமாக பணக்காரனாவதற்கான வழியாகத்தான் இருக்க முடியும். குறைவான நேரத்தில் அதிகமான செயலை உருவாக்கும் திறனோடு உங்களுடைய பிரத்தியேக அறிவைப் புகுத்தி செயல்படுங்கள் நீங்கள் எதற்கு தகுதியானவர்களாக இருக்கிறீர்களோ அதை நீங்கள் அடைவீர்கள்.

Super sir