Бұған дейін көптің талқысына түсіп, келіспеушілігін тудырған шетелдіктерге орман өсіру үшін жер беру мәселесі ақыры шешімін тапты. Бүгін сенаторлар "Жер кодексіне" өзгерістер енгізу бойынша заңжобасын екі оқылымда мақұлдап, мәжілістен келген салыстырмалы кестеге "орман жерлерін тек қазақстандықтарға және шетелдік қатысуы жоқ тұлғаларға беру" туралы өзгеріс енгізіп құжатты кері қайтарды. Яғни, енді жер шетелдіктерге орман өсіру үшін берілмейді. Өткен аптада ғана жүздеген қазақстандықты митингіге апарған бап осылайша түрленіп шыға келді.
Президенттен тез арада жерді шетелдіктерге сатпау туралы заңжобасын әзірлеу керек деген тапсырма алған парламент депутаттары құжатты дайындау кезінде тек осы мәселеге ғана назар аударыпты. Ал орман өсіру үшін жер беру туралы бапқа мән бермеген. Кейін құжат мәжілісте мақұлданып, сенатқа кетті.
БЕРІК ОСПАНОВ, ҚР Парламенті Мәжілісінің депутаты:
- "Орман кодексіне" сәйкес бізде қазақстандықтарға шетедік компанияларға орман өсіруге алуға болатын. Соған сәйкес бұл норма қалдырылды. Яғни, орман шаруашылығы жерлері ол бөлек, ауылшаруашылығы жерлері ол бөлек жерлер.
Мәжіліс депутаттары бұл норманы бөлек деп санағанмен қазақстандықтар мұны да биліктегілердің айласы деп түсінді. Сөйтіп өткен аптада Қазақстанның бірнеше қалаларында жүздеген адам митингіге шығып, бұл бапты алып тастауды талап етті. Алайда депутаттар бүгінгі шешімге ол қарсылықтың айтарлықтай қатысы жоқ деп отыр.
НҰРТӨРЕ ЖҮСІП, ҚР Парламенті Сенатының депутаты:
- Орман шаруашылығын өсруге байланысты 48 бап алынып тасталсын деген Президенттің заң жобасында.
БАҚЫТЖАН ЖҰМАҒҰЛОВ, ҚР Парламенті Сенатының депутаты:
- Қоғамның да біз пікірін білуіміз керек, бірақ әр сенатордың өз пікірі бар де бар.
ЛӘЗЗАТ СҮЛЕЙМЕН, ҚР Парламенті Сенатының депутаты:
- Сенаторлар арасында да бұл мәселе талқыланды, халықтың арасында да талқыланды. Бұл палатаның шешімі.
2007 жылдан бері Қазақстанда қазбамен айналысқан ірі шетелдік инвестор пайдаланған жерін қалпына келтіру үшін ағаш отырғызып, алқап жасауға міндеттелген. Алайда сенаторлар ағаш отырғызу үшін міндетті түрде жерді жалға алу керек емес деген пікірде. Ал соңғы жылдары тіпті орман өсіру үшін жер алуға ниет білдіргендер мен өз бастамасымен ағаш отырғызумен айналысатын бірде-бір шетелдік компания тіркелмеген.
ӘБДӘЛІ НҰРӘЛИЕВ, ҚР Парламенті Сенатының депутаты:
- Жеке орман өсіру үшін жер учаскелерін тек Қазақстан Республикасының азаматтарына және шетелдік үлесі жоқ Қазақстан Республикасының заңды тұлғаларына беру туралы тиісті өзгеріс пен толықтыруды Жер кодексінің 48-ші және 128-бабына енгізу ұсынылып отыр.
ГҮЛНАЗ САЙЛАУҚЫЗЫ, тілші:
- Енді мәжіліске жіберілген өзгертулер заң жобасына енгізіліп Президентке жолданады. Құжатқа Қасым-Жомарт Тоқаев қол қойған соң шетелдіктерге, азаматтығы жоқ адамдарға, шетелдік заңды тұлғаларға, қандастарға ауылшаруашылық мақсатындағы жер учаскелері сатылмайды, әрі жалға берілмейді. Сондай-ақ Қазақстан азаматтығы тоқтатылған адам да жерге иелік ете алмайды.
Гүлназ Сайлауқызы, Нұркен Тоқмурзин
Бізді әлеуметтік желіде оқыңыздар:
KZfaq - / @informburo31kanal
Facebook - / informburo31
Instagram - / informburo31
Vkontakte - informburo31
TikTok - www.tiktok.com/@informburo31
WhatsApp Информбюро +7 777 331 31 31
#митинг #жер_дауы #қазақтың_жері #жер_комиссиясы