Қызылордада халықаралық ғылыми-әдістемелік конференция өтті. Жиында ерекше білім беру қажеттіліктері бар студенттерді оқыту үшін оқу құралдары мен дидактикалық кешендерді дайындау мәселелері талқыланды.
Қазіргі таңда облыстағы 28 техникалық және кәсіптік білім беру ұйымдарында денсаулығында кінәраты бар 201 бала білім алуда. Оның ішінде екі білім ошағында ерекше білім беруге қажеттілігі бар студенттерге инклюзивті қолдау кабинеттері ашылған. Сонымен қатар, Мәншүк Мәметова атындағы жоғары педагогикалық колледжінде өткен жылдан бастап «логопедия» мамандығы бойынша арнайы мамандар оқытылуда. Жиында облыстық білім басқармасы басшысының орынбасары Бектұр Қали ерекше білім алуды қажет ететін балалардың колледждерде кедергісіз білім алуына қолбайлау болып тұрған мәселерге тоқталды. Соның ішінде мамандардың тапшы екенін айтты. Конференцияда Германия, Қырғыз мемлекеттерінен келген мамандар баяндама жасап, ерекше білім беруді қажет ететін балаларды жалпы ортаға бейімдеу тәсілдерімен бөлісті. Жиында, сондай-ақ ТМД елдерінің техникалық және кәсіптік білім беру ұйымдарының және түрлі халықаралық ұйымдардың өкілдері оқу құралдары мен дидактикалық кешендерді дайындау мәселелерін жан-жақты талқылап, пікірлерін айтты.
БЕКТҰР ҚАЛИ - ОБЛЫСТЫҚ БІЛІМ БАСҚАРМАСЫ БАСШЫСЫНЫҢ ОРЫНБАСАРЫ // Ақыл ойы кемістігі орташа деңгейдегі балалар үшін мектептен кейін кәсіп алу мүмкіндіктерін ұйымдастыру. Осы орайда олардың кәсіп игеріп, жұмысқа орналасу құқықтарын қамтамасыз ету үшін колледждерде немесе әлеуметтік қызмет көрсету саласы бойынша арнайы орталықтар ашып, қысқа мерзімдегі курстар өту, куәлік алу мүмкіндіктерін қарастыру қажет деп есептейміз.
НАРГИЗА ҚОЖОМКУЛОВА - ҚЫРҒЫЗ ХАЛЫҚАРАЛЫҚ ӘМБЕБАП КОЛЛЕДЖІНІҢ ДИРЕКТОРЫ // Конференцияның тақырыбы қазір өте өзекті. Инклюзия маселеси Кыргызстанда 2019 жылдан бастап белсенді түрде айтылып келеді. Содан кейін еліміз мүгедектердің құқықтары туралы конвенция ратификкациялады. Содан бери теңдік мәселелері бұқаралық ақпарат құралдарында белсенді түрде насихатталуда. Заң бойынша Қырғызстан инклюзивті білім беруге көшуге дайын. Тамаша заңдар қабылданды. Бірақ іс жүзінде инклюзия онша белсенді түрде жүзеге асырылып жатқан жоқ, дегенмен алғашқы жақсы нәтижелер бар.
Сайт - qyzylordatv.kz/ru/live
Facebook - / qyzylordatv
Instagram - / qyzylordatv
Telegram - t.me/qyzylords_tv
Tiktok - / qyzylorda_tv