Trend TV-nin Qarabağ bürosu bu dəfə 2020-ci ilin oktyabırın 27 -də Ermənistan ordusunun Bərdə rayonu ərazisinə raket hücumu nəticəsində həlak olan 7 yaşlı Aysu İsgəndərovanın ailəsinə baş çəkib.
Aysu Ermənilərin dünyada istifadəsi qadağan olunmuş kasetli raketlə hücumu nəticəsində həlak olan körpə balalardan biridir. Aysu İsgəndərova Bərdə rayonu Qarayusifli kəndində yaşadığı evin həyətində yellənçəkdə oynarkən raket qəlpəsindən həyatını itirib. Həmin gün Ermənistan silahlı qüvvələrinin kəndi raket və ağır artilleriyadan atəşə tutması zamanı 4 mülki şəxs həlak olub, 14 nəfər isə yaralanıb. Yaralananlardan biri də elə Aysunun 3 yaşlı bacısı Tahirə İsgəndərova olub.