Рет қаралды 170,620
昨晚(27日)ERROR在「#新城勁爆頒獎禮2021」獲得「勁爆組合獎」,ERROR在台上顯得頗為感觸,事後接受訪問時,Dee何啟華直言:「一路唔被睇好,但同時有一班忠實支持者,一路有小眾變成大家庭,好開心、好感動。」193郭嘉駿接着說:「喺台上,我話我哋岩岩巉巉,其實一直冇變過。」
對於TVB和港台合併搞樂壇頒獎禮,ERROR跟MIRROR有機會亮相TVB,保錡笑說:「咁開心,威呀!」肥仔梁業向來慎言,即刻幫口:「真係畀唔comment,人哋都唔知你咪真,係先算啦!」
193一貫口直心快,寸爆TVB說:「就算有,我哋都亮相唔到,攞唔到獎。大人嘢都係留畀高層搞,其實唔去都ok,因為又要坐多晚都好攰,我哋應該都攞唔到獎,如果攞到獎可能會去。」
談到《全民造星IV》,ERROR冇份擔任表演嘉賓,404替他們不值,193指:「唔需要替我哋不值!」Dee更說:「其實係開心嘅,因為保錡同193都有嘢做….」誰知193食咗誠實豆沙包,自爆:「其實我去咗聖誕party…..」肥仔聞言狂笑,Dee冷靜兜番:「藝人放鬆娛樂係好重要,所以193同保錡都…..」聽到自己被點名,保錡即插嘴說:唔好屈我呀,我冇嘢做…..(停一停就改口)梗係有工開啦,要開工….」至於開乜嘢工?保錡:「開乜嘢工都講,藝人好多嘢做嘅……」Dee又補位話:「商業秘密唔方便講嘅,我都拍咗好多戲,好想同大家share,但我暫時都講唔出。」
被問到想不想跟《造星》新成立的女團合作,193笑稱:「但我驚我哋控制唔到獸慾,所以唔好太多crossover住,慢慢了解對方先埋牙….去合作。」
其實ERROR的工作一籮籮,2022年年頭便會出新歌,保錡說:「全力以付,do得最好。」肥仔表示:「今次首歌好主流,以前就玩另類啲,希望攞到好成績。」
#error #娛壹 #保錡 #郭嘉駿 #何啟華 #梁業
----------------------------------------------------------
即刻跟住Follow 晒我哋Channel:
FB: as1hk.ent...
IG: / as1.entertainment
YT: / @as1.entertainment