Ертең «Наурыз достарын шақырады» халықаралық хореографиялық өнер фестивалі бастау алады.
Қазақстан Республикасының еңбек сіңірген қайраткері Шәміл Фахрутдинов фестваль ұлтаралық қатынас мәдениеттерін дамытып, түркітілдес халықтарының ұлттық мәдениетін сақтап, жандандырып қана қоймай, ұлтаралық қатынастарды, халықаралық ынтымақтастықты нығайта түсетінін айтады.
Өнер кешінің Наурыз мерекесінде өтуінің өзінде терең мән-мағына бар. Жыл сайын әр түрлі елдердің талантты қатысушылары бір сахнаға жиналып, әр халықтың билерін ұсынады.
Биыл Қырғызстан, Өзбекстан, Башқұртстан, Татарстан, Челябі және Қазақстанның түрлі өңірлерінен хореографиялық ұжымдар келіп, өнер көрсетпек. Халықаралық би фестивалінің ауқымы мен маңызы да осында жатыр.