Рет қаралды 234
Өмір... Адамға бір-ақ рет берілетін өмір бұл! Бүгінгі әңгіме кейіпкері атамыз Бостанұлы Айтбай осы өмір сүру міндетін кіршіксіз таза атқарды.
Ол еш пенденің ала жібін аттамады, әділдік пен шындықты ту етті.
Ағайын-туысқа қол ұшын созып, көмектесіп, кішіпейілдігін танытты. Жұмыста - жауапты қызметкер, білікті басшы, отбасында - қамқор әке, қадірлі жар, сүйікті ата еді.
Әттең, Алланың маңдайға жазған сағаты таусылып, атамыз о дүниеге 75 жасында аттанып кетті. 2021 жылдың 12 қазаны күні оның дүние салғанынына бір жыл толып отыр, осыған орай сағынышқа , естелікке толы бейнежазбамызды дайындадық.
Естеліктерімен бөліскен атамыздың апа-қарындастарына және барлығы бір жылы туған, жолдастықтары қаншама жыл үзілмеген құрдастары- Жармағамбетұлы Жәнібек, Орманбетұлы Қапият, Құнанбайұлы Қайырбек аталарымызға зор алғысымызды білдіреміз, ғұмырларыңыз ұзақ, дендеріңіз сау болсын!
Ата, жатқан жеріңіз жайлы, топырағыңыз торқа болсын!