Vətən Müharibəsinin qəhrəman şəhidlərindən Məmmədov qardaşları...
Eyni gündə toyları olan Cavad və Çingiz vətən uğrunda eyni anda canından keçib. İndi qardaşlar doğulduqları, təhsil aldıqları, hərbi xidmətə yollandıqları kəndlərinin məzarlığında da yan-yanadırlar.
Onların hər biri yaşadıqları həyatla, vətən uğrunda gedən döyüşlərdə göstərdikləri şücaətlə dastan yazdılar. Eyni rütbəni daşıyan Məmmədov qardaşları doğulduqları Şəmkir rayon Yeniabad kəndinin Vətən Uğrunda şəhid olan tək qəhrəmanlarıdır.
Cavad və Çingizin ailəsinə, vətəninə əmanət edərək geridə qoyduğu dörd övladları var. Həmin övladları ziyarət etmək, qəhrəman qardaşların sevgi hekayəsini dinləmək də insanı kövrəldir.
Məmmədovlar ailəsi bu ağrının nə qədər dözülməz olduğunu bilir. Lakin məsələ Vətən məsələsi olduğu üçün bu haqda qürurla danışırlar. İki övladı vətən uğrunda şəhid vermək, ömrünün geri qalanını bu dərdlə yaşamaq asan deyil. İndi Məmmədovlar ailəsi yarım qalan arzularının yanında kiçik də olsa bir təsəlli istəyirlər. İstəyirlər ki, kənd məktəbinə Məmmədov qardaşlarının adı verilsin, kəndləri içməli su ilə təmin olunsun. Bu isə həlli mümkün olan istəklərdir...
Kanala abonə ol : / tvmusavat
Email: Musavat7777@gmail.com
Kanala baxdığınız üçün təşəkkürlər