Рет қаралды 8,904
話咁快劇集《飛常日誌》今個星期進入結局周,一眾演員馬國明、蔡思貝、劉穎鏇、郭柏姸、朱敏瀚、徐榮、洪永城及吳偉豪等現身機場作最後宣傳,呢日佢哋先現身機場大堂向旅客派紀念品,之後移師禁區內嘅職員飯堂派紀念品,喺食飯時間大批機場職員趁機同眾多演員合照打卡,三位女神相當受歡迎。
馬國明透露遇上角色同職位嘅兩位真職員,可以同真正嘅機場中央控制中心(IAC)值班經理一齊打卡,馬明都相當興奮。
喺職員飯堂嘅大螢幕原來咁啱播出《飛常日誌》郭柏姸因為失戀喺員工K房展示魔音,郭柏姸表示相當唔好意思,迫大家聽佢唱歌「送飯」,郭柏姸透露:「依家唱歌要問過經理人先,因為經理人叮囑佢唔可以隨便唱歌。」
郭柏姸亦有回應佢同洪嘉豪嘅緋聞,對於喺社交平台嘅追星式示愛,竟然演變成「移情」洪嘉豪嘅緋聞,郭柏姸首度回應並公開向嘉豪道歉,表示兩人並唔認識,只係佢單向支持嘉豪嘅歌曲。
有網民統計馬國明劇接劇,一年內喺劇中不停轉工,事業心重嘅馬明就算婚後不急於補度蜜月,宣傳完《飛常日誌》又要投入新劇拍攝,同太太靚湯嘅極光之旅,佢係相當佛系;劇集收視不俗,演員們希望開續集,仲想轉其他職位,蔡思貝同朱敏瀚希望一齊演飛機師同上演空中情緣,彌補今輯朱仔單向式追求嘅遺憾。
再次嚟到機場,眾人分享最懷念嘅機場職員福利,洪永城大爆喺禁區內有個職員獨享嘅太空倉係有特別用途,而徐榮好掛住跑道上一排排飛機停泊嘅狀觀畫面。
#飛常日誌 #馬國明 #蔡思貝 #劉穎鏇 #郭柏姸 #朱敏瀚 #徐榮 #洪永城 #吳偉豪 #機場中央控制中心 #禁區 #派福利 #魔音 #洪嘉豪 #緋聞 #度蜜月 #湯洛雯 #極光之旅 #機場
#TVB #娛樂新聞 #TVB娛樂新聞台 #ENews #HKENews #香港娛樂八卦新聞 #八卦新聞
即刻Follow TVB 娛樂新聞台 Facebook專頁
/ tvbenews
登入myTV SUPER享受睇TVB自製節目7日包括娛樂新聞的免費點播
bit.ly/2TXLlM0