Hebe，等我講多少少尖東資料比你。 一開始你行既科學館廣場一帶，其實只算係後門或內街，所以無論係疫情前後都係咁靜 (通常係附近寫字樓落黎食煙吞Pop 既地方，俗稱「打邊爐」)。 嗰D藥房或執左既舖頭大多都係做內地遊客團生意，好少本地人幫襯，就算係疫情前都係無乜人行既舖，除非有導遊帶團黎。而呢道科學館廣場以前最出名既就係大富豪正門，其次就係佢對面既第五街酒吧Disco不過執左好耐。 而再行入去南洋中心，呢個基本上係一個寫字樓商場，有幾間餐廳咁。而南洋中心最旺既係地舖對住噴水池既露天酒吧餐廳，其次就係地庫既百樂酒樓。百樂酒店午市後會有茶舞時段，夜晚都會有舞池晚市，比D人跳老舞。 你响南洋中心見到既玩具中心，係指一D做玩具出口或生產既公司集中晒响呢道，所以叫玩具中心。雖然個水牌見到有好多間公司名，但其實好多都係屬同一間公司。(即係其實呢間玩具中心得幾間公司) 而你係玩具中心見到玻璃牆被貼磨砂紙封晒既舖、無開既舖，其實係呢道既公司租黎做辦公室、Showroom、貨倉、或會議室 (D 舖應該係佢地買左)。所以無論疫前疫後都無人行係正常，因為通常係比D外國既玩具買手黎香港採購訂貨時先會開比佢地入去揀選來年要係外國賣既產品。 而玩具採購行業既外國買手一般都只會响1月黎香港做Buying Trip，1 月揀既產品大約到7月至8月出貨到外地做 Halloween、Christmas既鎖售，聖誕節過後又1 月，咁樣一個循環。 不過疫情關係，買家都唔黎香港，轉移用視像會議做採購，客人在會談中揀好產品後用速遞寄樣辦比客，做生意模式改變左。 而半島中心你一入去望落去地庫似娛樂場所既店舖，前身係東方棕泉桑拿，佢已經搬左去對面 (影片07:22可以見到)，而呢個位前身係新花都夜總會。 半島中心一樓就比較多一D小型茶餐廳，而商場內既舖頭通常都係一D 商業輔助業性質既舖頭，例如文具店、影印舖、速遞公司、花店等等，呢D舖頭既客路都係以尖東一帶既寫字樓為主。而其他珠寶鐘飾店、西裝店、既客路則以遊客為主。 3樓兩間酒樓 (都同一集團) 疫情前平時中午都幾旺，主要做本地同區寫字樓客同遊客團。 東海中心、新文華中心之間既食街係尖東最旺既地方。新文華中心既1樓仲開滿酒吧，有酒吧街之稱。呢D酒吧中午做平價 Lunch (約$50一個餐)，夜晚做返酒吧。你行到盡頭見到既「舞臺」係一間卡啦OK夜總會。疫情期間當然執既執。 好時中心，地庫既青年桌球係香港數一數二既貴價波樓，枱靚、Cue靚、架撐好，晚上繁忙時間常滿，打波要排隊等五六張枱實屬等閒。不過通常佢都會請等緊枱既人飲杯野。 概括D咁講，尖東既商場店舖佢地既客路主要唔係來自街客，大多係同區既寫字樓客及導遊帶去既旅行團客，而門市既小舖大多以商業輔助行業為主，而有D 無開門既1樓2樓店舖，其實好多都係租左出去做倉。所以無論疫情疫後，D商場店舖都係無乜人流。 例如尖東有好多酒樓，主要做公司Lunch、週年晚宴、款待客人、寫字樓員工食Lunch、旅行團餐、喜宴......等等。其他街客都有，但只佔少數。(即係你唔會行行下街去尖東呢D酒樓食飯，有既，但唔多。) 疫情有無影響? 當然有，不過你拍到既冷清情況，其實一直都係咁，因為佢地唔係靠人流做生意。一到Lunch 時間，大大小小既餐廳不論好食定唔好食都會坐滿客。不過疫情期間大家都WFH同禁晚市，所以少左人食Lunch/Dinner 係事實。 (BTW，尖東好多小舖餐廳都只做早餐同Lunch) 尖東大多數都係做玩具出口或生產生意既商貿公司，從而衍生其他相關行業在尖東開業，例如船公司、產品設計公司、文儀用品公司、電腦公司......等等。又由於尖東屬於酒店比較集中既區份，所以會吸引到外國商人入住尖東既酒店。所以尖東係國際商貿行業既集中地。 商貿業舊式款待客人既方式大多都係帶佢地去食好、住好、玩好既，酒樓、高級餐廳、酒吧、夜總會、卡啦OK、桑拿.....等等一應俱全。 自從自由行出現，翠華、譚仔呢D毫無本土特色既店舖進註尖東，再加上不斷開業既藥房，令到尖東由做商務客為主變成做內地遊客為主，從而令尖東漸漸失去特色。 後來大富豪、中國城夜總會前後結業，其他五光十色既店舖亦相繼倒下。 以前有質素既店舖同餐廳都變成劣質既藥房同餐廳，此乃劣幣驅逐良幣。 但呢D以內地客為主既店舖其實都唔好過，因為佢地市場錯判。 尖東之所以係尖東，因為佢係由一個商貿行業而衍生出其他行業一同暢旺，客路係國際商務客人，係寫字樓員工。即使D 藥房比貴一貴租去趕走原本既商舖，佢地都改變唔到原有既市場客路。因為佢地租既係地舖，但佔尖東大多數客源既係附近寫字樓同酒店外國客，而呢D寫字樓同商務客係唔會幫襯嗰D以內地遊客為主既餐廳同藥房。 最多比佢地間唔中做到內地旅遊團既客而一直吊住條命，所以佢地一旦無左內地客就必定會執笠。 而內地遊客黎到尖東，最多影下相周圍行下，因為尖東本來唔係比人行街Shopping，所以根本唔會吸引到要黎行街Shopping 既內地遊客。 反而商務客就唔同，佢地唔係要行街Shopping，佢地要去有好既款待設施既店舖傾生意同應酬。 尖東搞到咁，完全係開放自由行後做成，而唔關地運事。

尖東唔該千其唔好重建，佢就係要有依種感覺先值錢，日本都興昭和年代，佢就係要有80年代果種輕奢華感先至保留到那味道，最多只係活化，其實宜家尖東反為變回一個好有潛力的地方，始終鄰近尖沙咀理大紅磡黃埔仲有個尖東站交通方便，但旅遊業一開酒店又有遊客住就唔太怕無生意，就算未開果度其實都好適合開d特色餐廳，街坊食店，補習興趣班中心，兒童playroom，小眾文化玩物店或者二手書店影音店等，再唔係乾脆比一些香港手作商戶進駐，整個尖東手作節又得，都會有好多人有興趣去，而撇開營商角度，其實好多人都鍾意果種懷舊又帶點荒涼卻盛極一時的半廢墟感，反為唔想佢咁旺場😂😂😂

雖然尖東好舊，但真係好鍾意呢種80年代既裝潢同感覺🙈

80-90年代剛好是日本泡沫經濟年代，很多日本企業都在尖東企設有數層或整幢的辦公室，所以附近特別多日式夜總會和日式食店，當年被譽為最好的日本菜"水車屋"就在漆咸道南。當年工作的公司手頭幾個日本客，有玩具商、光學儀器和家電生產，選尖東原因是鄰近紅磡火車部，要北上廣東省的工業地帶如樟木頭、東莞都很快。因利成便尖東側邊的黃埔花園住了很多日本人。

80年代，日本人過黎做生意。 尖東係日本公司主場… 佢地坐飛機黎香港 再由啟德機場去尖東啲酒店到住 之後就去附近夜總會傾生意

以前我讀中學時代尖東可以話係當時香港嘅潮人聖地，好多年輕人嚟呢度浦，我同一班同學最鍾意嚟呢度行街。當時有幾間disco都喺尖東。好熱鬧好潮，當年尖東嘅聖誕燈飾係全港聖誕燈飾嘅指標，連中環都唔夠佢嚟。無論買、食、玩都係當年最潮最in嘅聖地。

我出身於70‘s 80’s 頭，出奇老鼠係小朋友嘅夢想去嘅地方，仲記得佢啲Pizza味，行過一定聞到😍😋 80‘s 尾 - 90’s 頭，華懋戲院，桌球室，noon D，機舖，星期六日唔使返學指定動作🎬🎱🕺🏻💃🕹 90‘s 尾 - 2K 頭，華懋午夜場子夜場，Disco 、Rave party， night club， 尖東海旁🎬🕺🏻💃🥃 我覺得尖東最具代表性一定係華懋戲院，以前冇首映，華懋成日見到明星睇午夜場，以前買飛睇戲係一行行買，大家睇戲都係成班人去睇😂，戲院出面有魷魚、粟米、滷水…..，可以食住煙睇戲，好笑位全場一齊笑，唔好睇全場一齊小，好好氣氛。大富豪，中國城，迷城都係經典，永安中心以前好多名店，聖誕節尖東睇燈飾誇張人多，喺尖東由細玩到大，見到而家冷冷清清，今時唔同往日，往事只能回味。

以前讀理工，有時放學專登行過去大富豪、新花都門口同自己講第時一定要試下入去傾生意，可惜之後就同我嘅理想一齊收咗檔。 🥲

我好鍾意尖東呢個地方，雖然好多商場入面已經咩都冇，但我都好鍾意入去週圍行，因為就係鍾意呢種80年代既感覺

九十代年我喺尖東某酒店做bell boy，目睹好多猛人風采。當年人稱占哥嘅蔡子明（電影公司老闆，亦係著名荷蘭返嚟嘅江湖人），寸到砵向生架車。可能因為行事太囂張，同好多瓣人有利益衝突，無幾耐就俾人啪低咗

尖東其實一啲都唔噏揼...啲商場雖然十室九空裝修完全停留喺80年代, 但係乾淨企理, 管理員好多都斯斯文文... 似係大業主冇興趣重建議賺錢, 反而想保留番舊貌, 咁樣keep d商場一啲都唔會平....信和集團總部就係喺尖東嘅尖沙咀中心😎

1988年，我入讀理工學院，經常在尖東 當時的尖東，五光十色，好多遊客好多香港人，由朝旺到夜晚至通宵 新文華中心南洋中心尖沙咀中心帝國中心永安廣場⋯⋯等等等等，每日都好多人好多人好多遊客

尖東曾經有間出奇老鼠，是我最美好的童年回憶之一。

82年每到週六就會搭一蚊地鐡學生票到尖沙咀中心嘅雅達利陳列室免費玩電玩, 然後就行加連威老道睇下有無執到啲好嘢或到新世界中心行東急及BigJohn，順路行埋太空館嘆冷氣及到星光行地庫打兩局機動賽車機...兒時就係咁就消費咗一個週末喇。

成個尖東真係好似停留咗喺八九十年代咁, 同海港城嗰邊嘅尖沙咀真係兩個世界! 2011年既時候曾經係南洋中心地下另一間餐廳做過一排, 嗰陣去2樓倉攞嘢嘅時候, 行入去發覺成個商場真係好似返返去80年代咁!

其實尖東行得好舒服 千其唔好將佢變做另一個旺區/倒模商場

我都好鍾意行尖東，就算無野無舖頭開，感受一下個寧靜都好舒服

多謝Hebe拍咗尖東系列，這地方實在是好多港人及自己的回憶。 在這裏拍過的電影超多，有啲比較冇咁熟悉的地方想提一提： 南洋中心拍過梁朝偉/袁潔瑩的 安達中心門口拍過頂峰時期劉德華的，而安達中心地庫現在的Club One，曾經是大多港人非常認識的北海漁村。 半島中心對著的希爾頓大廈商場一樓，就是很多觀眾提及的出奇老鼠，後來地庫有小小樂園，梅艷芳和陳友的曾經在那裏取景。 幸福中心拍過王敏德的, 拍攝他由高處墮下，當時科學館仲未起，只是一片空地（前身是英軍軍營） 除了觀眾提及的duty free店，當年尖東很旺的另一個原因是入境處位於帝國中心，很多人往那裏辦證。 華懋戲院都絕對值得一題，由興盛時期都摺埋都係一個經典。

尖東最旺場年代，尖沙咀中心間pizza hut排隊囉飛等位仲勁過壽司郎，但D嘢又真係好好食，帝國中心就有burger king, 又係好好食，D漢堡牛肉真係燒出黎，有浸燒烤味 另外尖沙咀中心有屈人寺，以前D屈人寺有玩具賣，嗰時有好多lego, 星戰玩具賣，睇到我目不暇給

尖東係商業娛樂區，規劃自七十年代，隨著八十年代經濟起飛，當時嘅尖東係最輝煌嘅時期，除咗雲集甲級寫字樓外，仲有唔少日資和華資百貨公司進駐，當時尖東的百貨公司是香港人購物勝地，晚上的尖東又係另一番景象，最熱鬧嘅係Disco，酒吧，夜總會，桑拿，卡拉OK，戲院等娛樂場所，一片紙醉金迷景況，係最能展現八十年代香港繁榮靡爛的眾生相，到咗九十年代大陸開放後，深圳大量娛樂場所湧現，而且價格低場地又大，紙醉金迷嘅消費亦慢慢移到了深圳，昔日尖東嘅熱鬧已不復再，夜總會，Disco等場所接連結業，到二千年後只能靠內地旅客帶動人流，而且不少店舖隨著內地客嘅需求而變成售賣奶粉與成藥的店舖， 尖東自開發以來一直係港產片嘅取景熱點，市政局百週年紀念花園，尖沙咀海濱花園，永安廣場，尖沙咀中心，帝國中心，參考電影：警察故事、最佳拍檔，賭聖，明月照尖東

去得尖東最多係食自助餐(90年代尾)或者約人飲野, 但買野就好少, 基本一路都係做遊客生意 曾經喺尖東做過野, 係午市食飯比較多人, 其他時間都係無咩人行 風光不再

0幾年果時喺果邊返過工，果陣都仲叫有啲人氣，但都已經轉晒做自由行嘅世界，但夜總會都好似未執晒，嗰個年代仲好鍾意同成班朋友喺尖東至尖沙咀通宵吹水坐天光，一到假期成個海旁都好旺，最鍾意就喺機舖坐到凌晨兩點收舖就去海旁吹水🤣 再到90年代嘅印象就係同屋企人去睇聖誕燈飾

如果有人影到以前尖東嘅出奇老鼠嘅相就真係好珍貴，因為喺嗰個年代好記得出奇老鼠同依家嘅冒險樂園都冇分別，都好想知出奇老鼠點解走得咁前，佩服出奇老鼠嘅創辦人，類似喬布斯嘅思維👍

尖東好多童年回憶，因為以前好多貴價酒樓，有時過時過節一家人去尖東飲茶。 而家工作關係經常會經過，而家嘅尖東真係好冷清。

80年代中至尾 半島中心地庫有間叫 “尖東鯉魚門”，乃係好多黑社會猛人聚腳嘅地方！ 我自己就喺80年代頭就跟大人行過呢幾個商場！ 裡面啲裝潢真係40幾年都冇變過㗎！ 你哋摷返 “最佳拍檔” 第一集黎睇，就見到最初尖東開始有呢啲商場嘅模樣！

尖東英雄地….. 曾幾何時 此情不再 俱往矣！

97年前好多外國人喺香港買西裝， 量身做， 萬一交貨後有小地方唔滿意想搵人改，就係呢D西裝舖生存嘅空間。 我暑期工做酒店時，會有D客問你去邊搵人改衫

對於我呢個80後期，尖東呢個位最有印象都係個噴水池，至少某d電影片段都出現過，早2年疫情都有行過一次，帶住小朋友都經過玩具中心入面個商場，最後見到個環境真係伏伏聲~~ 不過個邊範圍真係好大，推住bb車又無乜商場行，就甘轉一圈都要d時間，所以之後去尖嘴都係去返近K11個邊，有時唔係唔想懷念惜日風光，我都唔會嫌呢d商場舊，但好似你條片見到甘，仲停留係90年代，唔好話後生，老一輩都未必會入去轉一圈

以前仲讀書嗰陣,同同學出嚟行街,雖然已經無晒啲夜總會,但都仲好旺, 其實見咁多啲藥房"吉舖",就感到之前十年有幾多藥房進佔,逼走幾多小商戶,破壞晒成個地區嘅多元化,呢啲大陸舖進佔亦改變香港人再去呢啲地方行嘅習慣 而家真係只能靠尖東上面啲寫字樓返工嘅人流撑場 商場入面,我印象以前唔少係做啲玉石或珠寶貿易嘅公司,或者都係奢侈品嘅業務,集舖頭寫字樓一身,所以係嗰度返放工嘅人,都真係幾風光,而家無啦,早年啲租金逼走晒呢啲商戶,轉晒去紅磡,唔會再返嚟㗎啦 (p.s.個人感覺,子彈𨋢嘅外型真係正,今時今日睇都唔覺得老土)

真係拍得好好👍，加油，睇到呢啲片真係好懷念😣😣😣😣😣😣

80年代去 pizza hut和出奇老鼠 Donut店仲有好多遊戲機舖 街頭跳霹靂舞 食自助餐 行百貨公司 esprit 北海魚村 bar city 波樓 旺到不得了 係潮流時尚尖端 . 80年化電影 電視劇 MTV 好多都係尖東取景 真係好彩經歷過

深啡色底，黃色字嘅招牌，個設計真係好有親切感，當時啟德，好多商場舖頭都有用到⋯⋯

我成日都覺得要拍8,90年代戲可以來尖東,真係佈景都慳返,點搭都唔夠佢地天然

以往尖東給我的感覺幾特別, 有繁華的一面和有輕鬆嘅一面 ..........

嘩！尖東真係完全係時間停頓咗，同我細個八十年代去睇燈飾果陣一模一樣。 咪睇佢宜家咁up dup，當年初初開張果陣不知幾咁巴閉。 不過我都最少三十年冇去了

你一開頭指住5萬尺巨舖……就係頂頂大名既「大富豪夜總會」…..之後轉過做專劏大陸客既劏場……..但無大陸團後就吉空到而家

Your commentary brings the video to life! Great job.

我八十年代尖東初起時係尖東返工，最近2013到2020再係尖東返咗7年，尖東最風光係80年代到90年代初，燈紅酒綠的年代；90年代中後期開始死，你見到D商塲的環境，基本上都已經十幾年係咁，當中好多舖唔係空置，而係做咗寫字樓或者倉，因為商塲租可能平過係尖沙咀中部租個正式寫字樓。 到自由行盛行，地舖開始有Ｄ藥店同埋食店，更多的是免稅店同專做自由行生意的所謂名牌店。 疫情之前，仲有高級私人會所，普通人係入唔到的，行會員制，要人帶入去，一晚消費五位數字起碼，當時有一個奇景係夜晚8, 9點，會有班低胸短裙姐姐仔，穿梭幾座大廈，9點後仲未有著落的，都係質素較差的；噴水池公園又會有東南亞姐姐問住附近酒店的鬼佬寂唔寂寞。 另一種情況就係大陸落來上堂的層壓式傳銷課程，同埋激勵課程，一時間成個噴水池公園企咗幾百人係度，嗰段時間，想有位食飯都幾難。 尖東係九運來臨後（2023 - 2024開始），又會回復燈紅酒綠的情況，係剛剛疫情之前，已經有台灣大佬係尖東開咗間夜塲，供應台妹，可惜生不逢時，遇著疫情，剛剛裝修好就收皮。

I was born in the early 80's and my dad would bring us to these places during the weekends.

謝謝你，HeBe。

80年代南洋中心仙樂都,station 酒廊；big echo, tropical disco好懷念

相逢恨晚，好開心認識到你既頻道，多謝你為我哋拍呢啲舊商場

Hebe, 尖東以往係玩具/成衣製造業香港OFFICE嘅大本營嚟，因為近主流五星級酒店、夜總會，方便傾生意，所以你會見到南洋中心/半島中心有個玩具中心。另外，以前中國城喺半島中心、大富豪喺新文華中心，係8-90年代紙醉金迷嘅地方嚟。

2006年開始做日資公司，當時好多日本公司都在這設辦公室。那時感覺尖東好像跟日本的國運一樣，慢慢沉寂，都係英雄遲暮feel.

尖東對我嚟講係一個記憶滿滿嘅地方，可能對而家嚟講係老土，過氣。但當年我細細個做暑期工送外賣，整個暑假就係穿梭好時，半島，新文華，南洋，帝國，尖中，幸福，鐵路，新世界，東急，新花都，天天。見證住當年繁榮，直到自己投身社會，耐唔耐都去半島德興打邊爐。有好多嘢唔係睇佢潮唔潮，永遠都有新嘢去代替，我反而想尖東繼續保留八九十年代嘅美

想起了劉美君嗰首霓虹鳥！對上一次去已經超過25年謝謝分享🙏🏽

80年代，鍾保羅仲在生時，尖東近漆咸道有金銀島餐廳，有間糖水舖叫燉奶佬，有起碼一兩間健身中心，茶樓酒樓好旺，尖沙咀中心定係帝國中心中庭有間西餐廳啲野好食同埋個裝修都好舒適，真係周圍都係舖頭。

睇到有啲留言話因為寫字樓所以唔多人流係正常，但記得7,8,90年代初成個尖東一至日其實都好旺，正正就係寫字樓多白藍領多，放工時間更加人來人往，周圍都係食肆，尖咀又多外國百貨公司林林總總商場，好多人就算住好遠都會一家大細成日過去行街同玩，嗰個年代人流絕對唔少

昨天香港開電視先重播「警察故事」👍👍

好熟悉的地方. 真懷念.

好鐘意尖東，特別係夜晚果陣，更加有80 90年代感覺。同埋對尖東都好有感情，以前讀理大既同學仔一定明，成日去搵野食。尖東十年八年前就算已經唔係咩特別商業區，都係唔少餐廳，去下酒吧，港晶neway，或者去下博物館咁。行哂就可以去海旁 一路行去海港城果邊。好多野可以做。 其實再行近海邊多少少麼地道果邊果d仲加有feel，地下好多名錶鋪果邊。夜晚黑黑地加埋d燈，真係會番番8 90年代果種feel。 除左以前夜總會多，聽講以前d 卡啦ok都好旺，加州紅果d人排幾個鐘去唱d獨家歌，都係尖東果邊。

我80後尾近90後, 去尖東一D都唔覺得D地方舊, 反而好有文化味道.

明月照尖東都有好多尖東既景,特別係開場個一幕,好懷念以前咁興旺既年代....

在我的年代但凡大節日或喜慶日子尖東係必到之地，果時尖東嘅熱鬧璀璨同今日相比只能說聲唏噓！

我没去過這地方，但我立馬認得那六個柱子和噴水池。那是tvb《刑事禎輯檔案II》第一集開場大勇和高婕約會的地方！我最愛的港劇！突感好神奇喔！這個地方原來真實存在，而且過了幾十年一直存在，而且還長得和當年劇中的景物差不多耶！

我10年前也曾經在新文華中心內嘅外資銀行做嘢，而家嗰間銀行都已經撤出，嗰個舖位已經過咗咁多年都冇人承接就知道慢慢呢一區連銀行都離開一定會繼續差下去，除非若干年之後政府有意大型改造，如果唔係冇辦法跟上潮流，慢慢老去，其實老地方同年紀大一樣慢慢都會沉寂而慢慢過去，都是同一道理

件T shirt 好撚正，好有反諷意味。 做呢件T同著呢件T, 本身就係行為藝術的一部分。 有料

Good memory, tks for share 👍👍👍👍👍👍💪❤

最佳拍檔場景👍

尖東真係好有懷念感覺,感覺三十年不變好難得

回想當年晚上常到 Royal Garden 聽著鋼琴彈奏輕音樂，歎番兩杯 cocktail, 無限回憶和思念

雖然建築物舊，但希望可以繼續保存，盡量留下一點點回憶!

半島中心間青年桌球室,以前夜晚好容易會見到許志安,張衛健去篤波，因為其中一間VIP房有條秘道可以直上地面，方便佢哋走

95年迷城~曾經紅極一時😅 95年我回流香港開始上班, 頭一份工係尖東翻工

為呢個城巿留低紀錄 多謝你

多謝Hebe介紹！ 提外話，藥房要有藥劑師駐店先可以使用"藥房"2字，無藥劑師只可叫藥行,藥坊等等

89年讀緊中三，每逢星期日朝早，就會同埋幾個同學去德興火窩（早茶）推點心車，朝早六點到，食完點心（任食）開工至中午十二點，收工出現金一百大元😅😅

其實南洋中心個玩具中心入面全部都係香港嘅玩具公司，係真係出玩具嘅公司寫字樓，唔係零售舖；香港嘅玩具業一直都冇沒落過，反而係僅存嘅香港工業，仲係疫情下增長好快，只不過製造嘅廠房搬左返大陸，但設計、marketing、trading全部都係香港寫字樓做晒。

Nostalgic hitting hard, the good old days~

真係,之前去科學館果陣時經過呢邊,都慨嘆呢邊好似好少人流,同埋D商場都仲係好80,90年代FEEL

好值得記錄嘅時候！2022 Hong Kong

u always do a good job!!!支持！！！！！！

management真係好重要，尖東大部分都係分舖賣左，冇左大業主overall去管，真係好難有個主題令到啲人會黎

從商場店舖裝修既格局，當堂令我諗起八十年代中，麥當勞果堆“省港奇兵“既打劫場面。

以前細細個三四歲時, 父母會帶我行尖東呢幾個商場, 當時呢d商場好旺好多人

細個住剛起好嘅黃埔花園, 每個星期六都同屋企人行經火車站一路去尖東彩龍酒樓飲茶. 飲完茶之後一定去小小樂園打機. （大概1986年）之後經海傍行番屋企,經過Konica個Neon Sign. 到紅磡碼頭買魚旦尤魚食. （以前未填海）係細個最開心嘅回憶

大富豪門口嘅阿差,D的士排隊等客落九龍塘,我住新界以前D朋友車我出去兜風落大清睇人飛車,第ㄧ站大帽山英雄亭,第二站就係天星碼頭,第三站就係尖東,之後先去大清~

在下70後, 尖東剛剛發展好個時我好細個, 最精彩系聖誕都會去睇燈飾, 當年系隆重其事, 通常都一絛龍食埋聖誕大餐 估唔到"舞臺" 仲系度, 當年去過一次, 夜總會咁, 聽講$800 一個鐘, 出街基本$3000, 都過去啦...

呢區大概81至83年陸續入伙,近漆咸道係兵房,後面有火車路經過,再外圍填海就型成現時尖東商業區,全盛應該係80年代

香港風光日子已成過去，不會再有。

心口有條快速測試

呢d商場好有味道

從前尖東真係好勁, 華懋戲院,大富豪,迷城,日航酒店,canton disco... 半島中心地庫有波樓,機舖

哇，老土到，80年代回憶滿滿

呢個系列留得返以往嘅風景，將來應該會拆，同埋拍同解得幾好😂👍🏻

尖東哥種氣氛，真係好正

好好睇

可能係一個時代既終結 希望香港會有另一個好既開始

好時中心廿幾年前有間大機鋪我成日去打機, 勾起了很多回憶

半島中心樓上係舊日中國城夜總會對面係新花都另一邊係富都，仲有波樓、餐廳酒廊、桑拿、戲院、酒吧，五光十色人流不絕，97前週末凌晨兩三點都成街人，小朋友講你都唔會信

想當年我喺尖東做大班 依家睇番真係勾起好多回憶 以前夜夜笙歌真係燒金喎

尖東 最興旺係80年代,燈紅酒綠,酒色財氣,華燈初上,夜夜笙歌 90年代中已經沒落,大部份夜場北上搬去深圳 南洋中心商場十室九空,租金平過離島雜貨舖

我80後 父母聖誕節都會來這裏睇燈飾 果時係潮流地方 唱K 打機 買皮衫.買手信..等等 機場仲在啟德 唔少遊客走前來一來 死因應該九十年代中期開始 業主賣散 大家無心經營 又唔肯同心執好商場 咁啱撞正98金融風爆加速衰落 機場也搬走 要搞番好 真係好難 因業權散到不得了 片中有唔少地方空置十幾年有突 睇門口水牌就知 根本無人租過

2003年大學畢業第一份工在南洋中心 其實同衣家分別唔大 都係冷清 因為上面係寫字樓多 所以唔洗太唏噓既😄

住喺港島城市花園，尖東只係記得有聖誕同埋新年燈飾，間中或者會坐船過去黃埔然後再坐8P去尖沙咀碼頭，記憶中尖東從來未行過

細個就只會在聖誕節的時候出尖沙咀睇燈飾。只會經過唔會行商場～～

多謝Hebe拍咗尖東系列

Hebe咁又唔一定要話你唔識野，咁你係細個吖嘛。 即係咁嘅，你有一句說話重覆咗好多次，講8,90 年代。 其實我知道喺新城市廣場開咗之後， 新界開始陸續有大商場起好。 1994年，我因為要做project 要去尖東， 我覺得果陣已經係風光不再。 最風光時，就係最佳拍檔果陣，成個香港就得呢幾個商場。 成個香港嘅人都去尖東，夠風光啦。 你見到嘅自由行，果20年係一個起死回生，唔係一早就收得。 你段片有幾樣野好值得睇， 第一地板真係好野， 石頭真係皇宮一樣，幾十年都咁好。 第二， telephone booth, 個電話唔係原本嘅， 個sound booth係原本嘅。 唔係keep喺冷氣商場神早無咗。 第三， 子彈lift, 重有呢個名，好野。 當時又係全港唯一。 靚仔時第一次搭呢架野係有玩摩天輪嘅滿足感架大佬。果種感覺入心嘅搞到我而家喺外國搭呢d lift都好開心。:D

係呢個時候, 清拆重建同睇住佢人去留空都好似一樣只剩下感嘆

以前有好多寫住‘‘duty free’’既鐘錶珠寶、相機電子文娛用品商店，心諗香港買乜野係要俾增值稅？(當然除左d奢侈品喇梗係)。 擺明係水貨/賣唔去舊款，或者唔hit冷門既拎黎坤9外國人喇。 然后近十年便是写住‘‘免稅商店’’，专劏大陆自由行。 然後? 然後便沒有然後.........😣😟😰