Wenê û cîhe di vê klîbê derbas dibi pirayi cihê jîyana û destana hesene mala mûsa û heda qaso lê derbasbûyi gundê biloka yi .
Bê eywax li min eywax li min mala minê,
Hesenê Mala Mûsa tê min dixwaze min bidinê.
Kulavê mala bavê min qetiya ji raxistinê,
Binê miqilkên mala bavê min şewitîn ji hêk û qelandinê,
Deriyê mala bavê min nayê girtin ji çûn û hatinê,
Çira mala bavê min venamire ji xwazgîniyan û rûniştinê,
Torinê Mala Mûsa betilî û sola wî qetîya ji çûn û hatinê,
Hundirê hola mala bavê min vala nabe ji mêvanan û bergerandinê,
Bav û birayê min, min nadinê, ez rabim ji kerbê Hesenê Mûsa kirasê
bidim ber reşkirinê,
Min gula sor bûka peya karxezalê ez ditirsim bav û birê min min bidin
hinekî dinê.
Bê eywax li min eywax li min,
Hesenê Mala Mûsa tê min dixwaze min bidinê,
Ew pismamê min e, Hesen ê ji me bi gazinî û lome bike,
Xwezî serê vê payizê halê wan jî bi halê me be.
Yadê hûn ê bidine min bidinê, hûn min nadinê ez çav berdim revandinê,
Hesenê Mala Mûsa tembûrvan xweş mêr î hozan e,
tizbiya destê wî kehrîbar e, xortekî qeşeng e û ji mala bavê xwe re şivan e,
Ez ê çavbelek bûka peya karxezalê ji mala bavê xwe re bêrîvan im,
min bidinê,
Yade bira qeda têkeve dilketinê zewacê û dinê, heyfa min jinê.
Eywax li min eywax li min min sebebê dê pepûkê bav rebeno Heseno.
Yadê delalê dilê min bê sermiyan e, bav bi tenê li van ortan e ew jî çav
nabîne guh giran e.
Ev reben pepûk bê ziman e.
Derdê dilketinê derdekî giran e
ez nema dizanim hûn çi dixwazin ji min jinê.
Ez ditirsim bav û bira min bidin hinekî dinê.
Li ser min torinê Hesenê Mala Mûsa ferman e
heyfa min jinê, ma qey soz û bext nemaye li dinê.
Eywax li min eywax li min,
Hesenê Mala Mûsa tê min dixwaze min bidinê,
Hesen bira Xwedê teala miradê min û te bikira hey nekira bira serê
payizê ya biharê bihatama dawetê te xort î û leheng î.
Hesen li min bengî û te bengî roja me derdikeve bi derengî,
ez ji xwe re dimeşiyam bê dengî, li nav hola devî min ê ji mala bavê xwe
re av bianiya ji qafa çem û kaniya,
Min nizanibû ji êvara Xwedê li ser şopik û riya mexel bûye berana
pezkoviya li benda min e.
Eywax li min eywax li min Heseno.
Xwedê xera bikira mala dilketinê, bira min tu nedîta vî halî li dinê.
Torinê Mala Mûsa wextê çav bi min ket wek kewê gozelê sehra serê
sibê xwendî,
wî lewendî deng ket zinarê çiyayî, ji kêfa min û Hesen xuşîn hat ji newal
û deviya,
ez û Hesenê Mala Mûsa ketin laqirdiyan û dipeyivîn,
li nav dar û deviya ji kêfa hevdû re bûn bengî,
Destê Hesenê Mûsa li gerdena min ket hil mircanê morîkê min karxezalê
diqetiya.
Me bi libolib heboheb berhev kir û lê geriyan bi kêf û henek em pev
keniyan,
min go Hesen lawo tu derkevî pêşiya karxezala wê pê bihise şêrê çiya,
eba Hesen ket ser piya, min ji wî betir ta girtiye.
Eywax li min eywax li min, Hesenê Mala Mûsa tê min dixwaze min
bidinê, bira qeda têkeve dilketinê.
Yadê babo hûn ê Hesen nekujin bidin xatirê min jinê.
Yabo yadê lawo hûn çima min nadinê, hûn çi dixwazin ji min jinê,
Hûn poşman dikin ez çav berdim revandinê,
lawo Hesen birê min pê bihise ez zanim birê min xedar e.
Min nahêle ser rûye dinê, ew nizane derdê dilketinê,
wê gelek tişta têxe stûyê min jinê, bi Xwedê wê me her duyan bikuje li
Hezeza Billoka bide ber recimê kes newêre were ser me bi halê mirinê.
Eywax li min eywax li min,
Hesenê Mala Mûsa tê min dixwaze min bidinê,
ew pismamê min e,
bila qeda têkeve zewacê û dilketinê.
Hesen ji kêfa dilê min û te re çiya bang kir çiya,
girdara bang kir hûr deviya,
Gundî malîna rahiştin rewtê xwe çûn nava maziya,
Pê dawşandin û anîn xwarê ji wan berûya,
Xunaviya baranê li me hêdî hêdî bariya,
min û delalê dilê xwe, ji heval û hogira xwe vediziya,
em hêdî hêdî meşiyan, me xwe hişt li dû gundiyan,
ez û delalê dilê xwe em ê herin xwe bavêjin xewle ciya,
Bi hev re bikevin nava henek û laqirdiya,
bila li me guhdar bikin kevir devî û ajalê çiya,
tava me çû ava roj li me bû tarî li me ronî bû taveheyv e li xewle çiya,
ez û delalê dilê xwe li ber çem û newalê rûniştin derdê dilê xwe ji hev
re got me kulên dilê xwe hiştin ji kevir û deviya.
Hesen lawo gundî û malîn bi me hisiyan
Deng tê divê Hedê û Hesen li ku ya, Hesen ev qirara min a dawiye,
Mala bavê min nede bi urf edetê dinê ez bêjim erê Hesen tu car nayêm bi
revandinê,
mala bavê xwe naxim tengasiyê li tu ciya.
Eywax li min eywax li min,
Hesenê Mala Mûsa tê min dixwaze min bidinê, ew pismamê min e,
yabo yadê Hesen ne mêrê kuştinê ye,
min bidinê li gor urf edet me li dinê,
Hesen bi mêrê bi sed mêrî ye wey li minê.
Bira ez ji teyran teyrê bejî bûma, bira min li Billoka nexwenda li ser avê û
wî hejî, tifing teqiya, xweşîn hat ji nav deviya,
min dît birayê min wek berazê nav çiya reviya,
torinê Mala Mûsa bi ser min de karxezalê wergeriya,
ez nema zanim birîna wî ji ku ya,
Hesen di nava xwînê de xemilî vegeveziya wek beranê pezkoviya,
ez li birîna delalê dilê xwe geriyam destê min ket birîna wî li nav piya,
ez ji xwe re giriyam,
ji birînê xelkê xwîn tê ê delalê dilê min tê xwîn av û mejî
• Hesenê Mala Mûsa - ser...